ຫລາຍສິບຄອບຄົວ ຂອງບ້ານຈັນສະຫວ່າງ ເມືອງສີໂຄດຕະບອງ ໄດ້ຮັບຜົນກະທົບຈາກນ້ຳປະປາມາບໍ່ປົກກະຕິ

ວັນທີ 26 ທັນວາ 2023 ນີ້ ປະຊາຊົນບ້ານຈັນສະຫວ່າງ ເມືອງສີໂຄດຕະບອງ ນະຄອນຫລວງວຽງຈັນ ສ່ອງແສງວ່າ: ນ້ຳປະປາເຂດ ຄຸ້ມໜ່ວຍ 3-4 ບ້ານຈັນສະຫວ່າງມາບໍ່ປົກກະຕິ ເປັນເວລາຫລາຍເດືອນແລ້ວ, ໄລຍະທີ່ນ້ຳບໍ່ມາ ແມ່ນເວລາ 06:00 AM – 22:00 PM. ບາງມື້ຕອນສວາຍນ້ຳປະປາຈະມາຄ່ອຍໆ ປະຊາຊົນໄດ້ພົບຄວາມຫຍຸ້ງຍາກໃນການດຳລົງຊີວິດພໍສົມຄວນ ບາງຄອບຄົວບໍ່ມີອ່າງເກັບນ້ຳໃຫຍ່ ໄດ້ລຸກມາໂຕ່ງນ້ຳແຕ່ຕອນກາງຄືນເພື່ອເກັບໄວ້ໃຊ້ໃນຊີວິດປະຈຳວັນ.

ຕໍ່ເຫດການດັ່ງກ່າວ ຮຽກຮ້ອງເຖິງໜ່ວຍງານທີ່ກ່ຽວຂ້ອງລົງກວດກາ ແລະ ແກ້ໄຂ ບັນຫາທີ່ເກີດຂຶ້ນ ເພື່ອເຮັດໃຫ້ຊີວິດການເປັນຢູ່ຂອງປະຊາຊົນໄດ້ຮັບຄວາມສະດວກຂຶ້ນຕື່ມ.