LG ອິນເດຍ ເປີດໂຕໂທລະສັບເຄື່ອງທໍາອິດຂອງໂລກ ມາພ້ອມຟີເຈີໄລ່ຍຸງດ້ວຍຄື່ນອັດຕະໂນມັດ

ເປັນມືຖືທີ່ຂ້ອນຂ້າງຈະແຫກຕະຫຼາດ ແຕ່ໜ້າຈະຕອບໂຈດຜູ້ໃຊ້ງານຍ່ິ່ງກວ່າກ້ອງເລນຄູ່ ໂດຍສະເພາະຢ່າງຍິ່ງໃນປະເທດອິນເດຍ ສໍາລັບ LGX230I ຫຼື ເອີ້ນອີກຊື່ໜຶ່ງວ່າ LG K7i  ທີ່ອາດຈະບໍ່ໄດ້ມີສະເປັກຫຼູຫຼາອັນໃດ ແຕ່ທີ່ສະດຸດຕາກໍຄືຝາຫຼັງຂອງໂທລະສັບມືຖືທີ່ໂດດເດັ່ນດ້ວຍເຕັກໂນໂລຊີຄື່ນອຸນຕ້າຊາວ (Ultra Sound Wave) ພ້ອມກັບຕົວໜັງສື Mosquito Away ຫຼື ທີ່ເຂົ້າໃຈກັນດີວ່າ ເປັນເຕັກໂນໂລຊີສໍາລັບໄລ່ຍຸງນັ້ນເອງ.

            ແຕ່ບໍ່ແມ່ນວ່າຟີເຈີໄລ່ຍຸງນີ້ ຈະຕິດຢູ່ກັບຕົວມືຖືເລີຍ ເພາະຄວາມຈິງແລ້ວ ຕົວຄື້ນໄລ່ຍຸງຈະຕິດຢູ່ກັບຝາຫຼັງ ທີ່ມາພ້ອມກັບຕົວເຄື່ອງ ສາມາດຖອດປ່ຽນໄປໃຊ້ຝາຫຼັງແບບປົກກະຕິໄດ້ ສ່ວນການ​ເຮັດ​ວຽກຂອງເຕັກໂນໂລຊີນີ້ ຈະສົ່ງຄື້ນທີ່ມີຄວາມຖີ່ 30 ກິໂລເຮິດອອກມາ ເພື່ອໄລ່ຍຸງ ຫຼື ແມງໄມ້ຕ່າງໆ ​ເຊິ່ງຈະບໍ່ມີຜົນກະທົບຕໍ່ມະນຸດ ທີ່ມີໄລຍະການໄດ້ຍິນຢູ່ທີ່ 20 ເຮິດ ຈົນເຖິງ 20 ກິໂລເຮິດ. ແຕ່ແນວໃດກໍຕາມ ອາດຈະສົ່ງຜົນກະທົບຕໍ່ສິ່ງມີຊີວິດບາງຊະນິດເຊັ່ນ: ໝາທີ່ສາມາດຮັບຮູ້ເຖິງຄວາມຖີ່ສຽງທີ່ສູງເຖິງ 45 ກິໂລເຮິດ ຫຼື ແມວທີ່ຮັບຮູ້ຄວາມຖີ່ສຽງໄດ້ສູງເຖິງ 60 ກິໂລເຮິດ.

ສ່ວນສະເປັກຕາມທີ່ກ່າວມາ ບໍ່ໄດ້ໂດດເດັ່ນຫຍັງຫຼາຍ ໂດຍສະເປັກຂອງ LG K7i ມີດັ່ງນີ້:

1.1 GHz quad-core processor

RAM 2 GB / ROM 16 GB

ໜ້າຈໍ FWVGA ຂະໜາດ 5 ນິ້ວ (ຄວາມລະອຽດ 854×480 ພິກເຊລ), ແບັດເຕີຣີຄວາມຈຸ 2.500 mAh

ຖືວ່າເປັນຫຍັງທີ່ຕອບໂຈດຫຼາຍສໍາລັບເຕັກໂນໂລຊີໄລ່ຍຸງມາໃສ່ໄວ້ກັບອຸປະກອນໂທລະສັບທີ່ເຮົາພົກພາຕິດຕົວໄວ້ຕະຫຼອດເວລາ. ແຕ່  LG K7i ສໍາລັບຕອນນີ້ ຫາກໍເປີດໂຕໃນປະເທດອິນເດຍ ບໍ່ຮູ້ວ່າຈະມາເຖິງປະເທດເຮົາ ຫຼື ບໍ່ ?.