ລາວ-ໄທ ແລກປ່ຽນບົດຮຽນວຽກງານຄວບຄຸມຢາສູບ ໂດຍສະເພາະແມ່ນຢາສູບໄຟຟ້າ

ໃນໂອກາດນີ້, ຄະນະສື່ມວນຊົນລາວໄດ້ຟັງລາຍງານສະພາບການຈັດຕັ້ງປະຕິບັດວຽກງານການຄວບຄຸມຢາສູບຂອງຈັງຫວັດອຸດອນທານີ, ໄດ້ສົນທະນາການແລກປ່ຽນບົດຮຽນ ຊຶ່ງກັນ ແລະ ກັນເປັນຕົ້ນ ມາດຕະການການຄວບຄຸມຜະລິດຕະພັນຢາສູບ, ການແຜ່ລະບາດຂອງຢາສູບໄຟຟ້າໃນປັດຈຸບັນ, ການປະຕິບັດວຽກງານຄວບຄຸມຢາສູບຢູ່ພາຍໃນແຂວງ ແລະ ເມືອງ, ການປ້ອງກັນເຍົາວະຊົນຈາກຢາສູບ, ການເຄື່ອນໄຫວວຽກງານຂອງຄະນະກຳມະ ການຄວບຄຸມຢາສູບ ເພື່ອພ້ອມກັນຈັດຕັ້ງປະຕິບັດວຽກງານຄວບຄຸມຢາສູບໃຫ້ມີປະສິດທິພາບ ແລະ ປະສິດທິຜົນ.

ນອກນັ້ນຍັງໄດ້ແລກປ່ຽນບົດຮຽນກ່ຽວກັບມາດຕະການ ແລະ ກົນໄກການດໍາເນີນການຄວບຄຸມຜະລິດຕະພັນຢາສູບທີ່ເຂັ້ມງວດຂອງຈັງຫວັດອຸດອນທານີ ເປັນຕົ້ນແມ່ນ ສະໜັບສະໜູນການເຄື່ອນ ໄຫວຂອງຂົງເຂດການສຶກສາປອດຄວັນຢາສູບ, ສ້າງຈິດສຳນຶກຄວາມອັນຕະລາຍຂອງຢາສູບ ແລະ ຮູ້ຍຸດທະສາດດ້ານການຕະຫຼາດ ທັງຕ້ານຜູ້ສູບຢາໃໝ່, ສ້າງສະພາບແວດລ້ອມປອດຄວັນຢາສູບ ພ້ອມຕິດຕາມ ແລະບັງຄັບໃຊ້ກົດໝາຍ; ພັດທະນາລະບົບການເຂົ້າເຖິງການບໍລິການ ແລະ ຊ່ວຍເຫຼືອຜູ້ສູບຢາ ໃຫ້ຫັນມາເຊົາສູບຢາ, ພັດທະນາມາດຕະການຂອງຊຸມຊົນ ແລະ ຄວບຄຸມການບໍລິໂພກຢາສູບ ໄດ້ເຮັດໃຫ້ອັດຕາການສູບຢາພາຍໃນຈັງຫວັດອຸດອນທານີເລີ່ມຫຼຸດລົງຕາມລຳດັບໃນແຕ່ລະປີ.