ນະຄອນຫລວງວຽງຈັນ ແລະ ນະຄອນເກິນເທີ ແລກປ່ຽນວຽກງານການຜະລິດກະສິກຳສົ່ງອອກ
ວັນທີ 14-15 ທັນວາ 2023, ທ່ານ ອານຸພາບ ຕຸນາລົມ ປະທານສະພາປະຊາຊົນນະຄອນຫລວງວຽງຈັນ ພ້ອມຄະນະ ໄດ້ເຄື່ອນໄຫວຢ້ຽມຢາມ ນະຄອນເກິນເທີ ສສ ຫວຽດນາມ, ເພື່ອສືບຕໍ່ຮັດແໜ້ນສາຍພົວພັນມິດຕະພາບຄວາມສາມັກຄີພິເສດ ແລະ ການຮ່ວມມືຮອບດ້ານລະຫວ່າງສອງພັກ-ສອງລັດປະຊາຊົນສອງຊາດເວົ້າລວມ ເວົ້າສະເພາະ ນະຄອນຫຼວງວຽງຈັນ ແລະ ນະຄອນ ເກິນເທີ ໃຫ້ນັບມື້ແຕກດອກອອກຜົນຍິ່ງຂຶ້ນ.
ການພົບປະຄັ້ງນີ້ ສອງຝ່າຍໄດ້ແລກປ່ຽນບົດຮຽນກ່ຽວກັບວຽກງານກະສິກຳເນື່ອງຈາກນະຄອນເກິນເທີເປັນນະຄອນໜຶ່ງທີ່ມີຜົນສຳເລັດໃຫ້ການຜະລິດກະສິກຳເປັນສິນຄ້າສົ່ງອອກ, ສາມາດສ້າງລາຍຮັບຈາກການຜະລິດກະສິກຳເປັນຕົ້ນແມ່ນ ເຂົ້າ, ພືດອຸສາຫະກຳ, ໄມ້ກິນ ໝາກ ແລະ ການລ້ຽງປາ ປີໜຶ່ງ 30 ກວ່າຕື້ໂດລາສະຫະລັດ ແລະ ມີບາງລາຍການສິນຄ້າກະສິກຳສາ ມາດສ້າງລາຍຮັບ 1 ຕື້ກ່ວາໂດລາ ອັນໄດ້ເຮັດໃຫ້ເສດຖະກິດມີຄວາມເຂັ້ມແຂງ ແລະ ຂະຫຍາຍຕົວຢ່າງຕໍ່ເນື່ອງ, ພື້ນຖານໂຄງລ່າງໄດ້ຮັບການພັດທະນາຢ່າງໄວວາດ້ວຍທ່າແຮງດັ່ງກ່າວ, ຈາກເປັນແຂວງໄດ້ຍົກລະດັບຂຶ້ນເປັນນະຄອນປີ 2003 ເຊິ່ງໂດຍລວມແລ້ວນະຄອນເກິນເທີແມ່ນມີບົດຮຽນດ້ານການຜະລິດກະສິກຳເປັນສິນຄ້າສົ່ງອອກ.
ທັງນີ້ ເພື່ອແລກປ່ຽນບົດຮຽນ ນຳເອົາປະສົບການອັນດີທີ່ເຫັນວ່າເໝາະສົມ ມາຜັນຂະຫຍາຍໃຫ້ຖືກຕ້ອງສອດຄ່ອງກັບສະພາບຄວາມເປັນຈິງ ຂອງນະຄອນຫລວງວຽງຈັນ ໂດຍແມ່ນພະແນກກະສິກຳ ແລະ ປ່າໄມ້ນະຄອນຫລວງວຽງຈັນເປັນເຈົ້າການ ສົມທົບກັບຂະແໜງການກ່ຽວຂ້ອງ ແລະ ຫົວໜ່ວຍທຸລະກິດ ໃນການຈັດຕັ້ງປະຕິບັດ ເພື່ອຊຸກຍູ້ສົ່ງເສີມຊາວກະສິກອນ ແລະ ຫົວໜ່ວຍທຸລະກິດຜະລິດກະສິກຳ ເພື່ອບໍລິໂພກພາຍໃນ ແລະ ສົ່ງອອກຕ່າງປະເທດ ຍົກລະດັບຊີວິດການເປັນຢູ່ຂອງປະຊາຊົນໃຫ້ນັບມື້ດີຂຶ້ນເລື້ອຍໆຈາກການມີລາຍຮັບຜະລິດກະສິກຳເປັນສິນຄ້າ.
ພ້ອມນີ້ ນະຄອນຫຼວງວຽງຈັນໄດ້ສະເໜີແລກປ່ຽນບົດຮຽນໃນການ ຄຸ້ມຄອງ, ການສະຫງວນ ແລະ ການຈັດສັນດິນກະສິກຳບໍ່ໃຫ້ປະຊາຊົນຫັນດິນກະສິກຳໄປເປັນດິນແນວອື່ນ, ການຄໍ້າປະກັນສິນ ຄ້າລະຫວ່າງຊາວກະສິກອນຜູ້ຜະລິດກະສິກຳກັບວິສາຫະກິດການຄ້າ ນັກທຸລະກິດຂົນສົ່ງ ແລະ ນັກວິ ທະຍາສາດການຄົ້ນຄວ້າກະສິກຳບົດຮຽນການສ້າງຕັ້ງສະຫະກອນຜະລິດກະສິກຳເລີ່ມຈາກຄອບຄົວບົດຮຽນຂອງພັກລັດອົງການປົກຄອງທ້ອງຖິ່ນທີ່ມີນະໂຍບາຍຊຸກຍູ້ສົ່ງເສີມການຜະລິດກະສິກຳ, ການຮ່ວມມືລະຫວ່າພະແນກກະສິກຳ ແລະ ປ່າໄມ້ກັບພະແນກອຸດສາຫະກຳ ແລະ ການຄ້າການສ້າງບຸກຄະລາກອນ ແລະ ອື່ນໆ.
