ແຂວງຄຳມ່ວນໄດ້ຮັບຜົນກະທົບຫລາຍສົມຄວນ ຈາກໄພນ້ຳຖ້ວມເມື່ອກາງເດືອນນີ້
ເຈົ້າແຂວງຄຳມ່ວນໄດ້ລາຍ ງານໃຫ້ຮູ້ວ່າ: ເນື່ອງຈາກໄດ້ຮັບ ຜົນກະທົບຂອງອິດທິພົນ ພະຍຸ ດອກສຸຣິ ພັດຜ່ານເມື່ອກາງເດືອນ ກັນຍານີ້, ສົ່ງຜົນໃຫ້ເກີດສະພາບ ນ້ຳຖ້ວມຢູ່ຫລາຍເຂດມີເນື້ອທີ່ ການຜະລິດໄດ້ຮັບຄວາມເສຍ ຫາຍຫລາຍກວ່າ 3.300 ເຮັກ ຕ້າ, ພ້ອມນັ້ນຍັງມີສັດ ລ້ຽງ ປະເພດງົວ- ຄວາຍແບ້ ແລະ ສັດປີກ ຈຳນວນຫລາຍໄດ້ຮັບ ຄວາມເສຍຫາຍ, ເຮືອນຊານ ແລະ ຖະໜົນຫົນທາງຈຳ ນວນໜຶ່ງໄດ້ຮັບຜົນກະທົບ ຢູ່ໃນ 155 ບ້ານ ຂອງ ແຂວງ ດັ່ງ ກ່າວ. ເຊິ່ງຈະຕ້ອງໄດ້ໃຊ້ເວລາ ຍາວ ແລະ ງົບປະມານຫລາຍ ຈະສາມາດຟື້ນຟູສູ່ສະພາບ ປົກກະຕິໄດ້.
+ ອຸຕຸເຕືອນ ລະວັງພາຍຸດອກສຸຣິ ໃນວັນທີ 15-17 ກັນຍານີ້
+ ອຸຕຸເຕືອນວັນທີ 5-6 ສິງຫານີ້ຈະມີຝົນຈະຕົກເພີ່ມຂຶ້ນ
ທ່ານເຈົ້າແຂວງໃຫ້ຮູ້ອີກ ວ່າ: ໃນປີ 2017ນີ້ສະພາບເສດ ຖະກິດຂອງແຂວງຍັງສືບຕໍ່ ຂະຫຍາຍຕົວໃນລະດັບ 7,95% ໃນນັ້ນກະສິກຳກວມປະມານ 25%, ອຸດສາຫະກຳ 41% ແລະ ຂົງເຂດບໍລິການກວມເອົາ 34% ຂອງລວມຍອດຜະລິດ ຕະພັນພາຍໃນ (GDP), ສະ ເລ່ຍພົນລະເມືອງ ຜູ້ໜຶ່ງມີລາຍ ຮັບປະມານ 1.900 ກວ່າໂດລາ ສະຫະລັດ, ສ່ວນການລົງທຶນ ເຂົ້າໃນການພັດທະນາພື້ນຖານ ເສດຖະກິດຕ່າງໆກໍໄດ້ດຳເນີນ ໄປຢ່າງເປັນປົກກະຕິຄື: ປີນີ້ມີ 357 ໂຄງການໃນມູນຄ່າ ຫລາຍ ກວ່າ 123 ຕື້ກີບ ແລະ ມາຮອດ ປັດຈຸບັນປະຕິບັດສຳເລັດແລ້ວ 244 ໂຄງການດ້ວຍມູນຄ່າ ຫລາຍກວ່າ 94 ຕື້ກີບ.
ສ່ວນ ການສົ່ງອອກສິນ ຄ້າພຽງ 9 ເດືອນຜ່ານມາບັນ ລຸໄດ້ແລ້ວ 142 ລ້ານກວ່າໂດ ລາ, ສິນຄ້າສົ່ງອອກສ່ວນ ໃຫຍ່ແມ່ນແຮ່ທາດກວມເອົາ 90%, ນອກນັ້ນແມ່ນຜົນຜະ ລິດກະສິກຳ.
