ໄຂສັບປະດາວັດທະນະທຳລາວ 2023 ຢູ່ ຫວຽດນາມ ແຕ່ວັນທີ 13-18 ທັນວາ 2023
ກະຊວງວັດທະນະທຳ, ກິລາ ແລະ ທ່ອງທ່ຽວ ຫວຽດນາມ ສົມທົບກັບກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວ ລາວ ຈັດພິທີໄຂສັບປະດາວັດທະນະທຳລາວ 2023 ຢູ່ ຫວຽດນາມ ແຕ່ວັນທີ 13-18 ທັນວາ 2023.
ທ່ານ ຕະກ່ວາງດົງ ຮອງລັດຖະມົນຕີກະຊວງວັດທະນະທຳ, ກິລາ ແລະ ທ່ອງທ່ຽວ ຫວຽດນາມ, ກ່າວວ່າ: ສັບປະດາວັດທະນະທຳ ລາວ ຢູ່ ຫວຽດນາມ ປີ 2023 ມີຄວາມໝາຍສຳຄັນ, ປະກອບສ່ວນປັບປຸງ, ເພີ່ມທະວີສາຍພົວພັນທີ່ຍິ່ງໃຫຍ່, ຄວາມສາມັກຄີແບບພິເສດ ແລະ ການຮ່ວມມືຮອບດ້ານລະຫວ່າງ ຫວຽດນາມ ແລະ ລາວ ໃຫ້ເລິກເຊິ່ງໜັກແໜ້ນຂຶ້ນຕື່ມອີກ, ຜ່ານລາຍການສະແດງສິລະປະຮ້ອງລຳທຳເພງທີ່ເປັນມູນເຊື້ອ ໂດຍບັນດານັກສິລະປິນ ລາວ, ຜູ້ຊົມ ຫວຽດນາມ – ລາວ ແລະ ເພື່ອນມິດສາກົນມີໂອກາດເຂົ້າໃຈກ່ຽວກັບພື້ນຖານວັດທະນະທຳຂອງ ລາວ ຫຼາຍກວ່າ. ນີ້ກໍ່ແມ່ນໂອກາດເພື່ອໃຫ້ພວກເຮົາຫວນຄືນມູນເຊື້ອມິດຕະພາບລະຫວ່າງ 2 ພັກ, 2 ລັດ ແລະ ປະຊາຊົນ 2 ປະເທດ, ພ້ອມກັນມຸ່ງໄປສູ່ການຮ່ວມມືທີ່ນັບມື້ນັບແໜ້ນແຟ້ນ ແລະ ບັນລຸປະສິດທິຜົນກວ່າ ໃນອະນາຄົດ”.
ທ່ານ ນາງ ສວນສະຫວັນ ວິຍະເກດ, ລັດຖະມົນຕີກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວ ລາວ ໃຫ້ຮູ້ວ່າ:ນອກຈາກການແນະນຳກ່ຽວກັບວັດທະນະທຳ, ສິລະປະ, ດ້ວຍລາຍການສະແດງສິລະປະທີ່ເປັນເອກະລັກສະເພາະ, ເຂັ້ມຂຸ້ນໄປດ້ວຍວັດທະນະທຳຂອງແຕ່ລະເຂດແຕ່ລະພາກຂອງປະ ເທດລາວ ແລ້ວ. ແຕ່ລະລາຍການຍັງນຳມາເຊິ່ງບັນຍາກາດເບີກບານ ແລະ ເຕັມໄປດ້ວຍນ້ຳໃຈມິດຕະ ພາບ ຫວຽດນາມ – ລາວ.
