ມຽນມາ ສັ່ງຫ້າມກັກເກັບນ້ຳມັນເຊື້ອໄຟຢ່າງເດັດຂາດ

ສຳນັກຂ່າວຕ່າງປະເທດລາຍງານຈາກ ນະຄອນ ຢາງກຸ້ງ ປະເທດມຽນມາ, ວັນທີ 11 ທັນວາ 2023, ສຳນັກງານ ກວດສອບ ຜະລິດຕະພັນນ້ຳມັນເຊື້ອໄຟແຫ່ງຊາດ ເລີ່ມກວດສອບ ແລະ ຄວບຄຸມການເຄື່ອນຍ້າຍ ແລະ ການຄອບຄອງ ນ້ຳມັນເຊື້ອໄຟ ໂດຍບໍ່ໄດ້ຮັບອະນຸຍາດ ຖ້າບຸກຄົນໃດຄອບຄອງ ແລະ ເຄື່ອນຍ້າຍນ້ຳມັນເຊື້ອໄຟ ຫລາຍກວ່າ 180 ລິດ ໂດຍບໍ່ໄດ້ຮັບອະນຸຍາດຈະຖືກປັບໃໝ ສູງເຖິງ 2.370 ໂດລາ ສະຫະລັດ ແລະ ຮັບໂທດ ຕັດອິດສະລະພາບ ສູງສຸດ 1ປີ ທ່າມກາງ ສະຖານະການ ຂາດແຄນ ນ້ຳມັນເຊື້ອໄຟ ໃນນະຄອນຢ່າງກຸ້ງ ເຮັດໃຫ້ປະຊາຊົນຕໍ່ແຖວ ຖ້າໃສ່ນ້ຳມັນຢ່າງຫລວງຫລາຍ. ນອກນີ້ ຍັງຈຳກັດການຊື້-ຂາຍ ນ້ຳມັນເຊື້ອໄຟ ບໍ່ໃຫ້ເກີນ 20 ລິດ ຕໍ່ລູກຄ້າ 1ຄົນ.