ອິນເດຍ ໂຈະການສົ່ງອອກຫອມຫົວໃຫຍ່ ຈົນຮອດເດືອນມີນາປີໜ້າ ອາດສົ່ງຜົນໃຫ້ເກີດການຂາດແຄນຫອມຫົວໃຫຍ່ໃນຕະຫລາດໂລກ

ສຳນັກຂ່າວຕ່າງປະເທດລາຍງານຈາກ ນະຄອນຫລວງ ນີວເດລີ ວັນທີ 9 ທັນວາ 2023 ວ່າ: ກະຊວງ ການຄ້າ ອິນເດຍ ສັ່ງໂຈະ ການສົ່ງອອກ ຫອມຫົວໃຫຍ່ ແຕ່ນີ້ຮອດ ວັນທີ 31 ມີນາ ປີ 2024, ຫລັງການປັບຂຶ້ນ ອັດຕາພາສີ ການສົ່ງອອກ ຫອມຫົວໃຫຍ່ ເປັນ 40% ໃນທ້າຍ ເດືອນສິງຫາ ທີ່ຜ່ານມາ, ໂດຍມີ ຜົນຈົນຮອດ ວັນທີ 31 ທັນວາປີນີ້ເພື່ອຮັກສາ ສະຖຽນລະພາບຂອງຕະຫລາດອາຫານພາຍໃນປະເທດ. ເນື່ອງຈາກຕອນນີ້ຫອມຫົວໃຫຍ່ ໃນອິນເດຍ ມີລາຄາແພງ. ຂະນະທີ່  ອິນເດຍ ເປັນຜູ້ສົ່ງອອກ ຫອມຫົວໃຫຍ່ແຖວໜ້າຂອງໂລກ. ດັ່ງນັ້ນ ອາດສົ່ງຜົນໃຫ້ເກີດການຂາດແຄນຫອມຫົວໃຫຍ່ ໃນຕະຫລາດໂລກ ແລະ ລາຄາ ອາດປັບຕົວສູງຂຶ້ນເຊັ່ນກັນ.