ຕັດສິນປະຫານຊີວິດ 2 ຄົນ ຄະດີຂົນສົ່ງຢາບ້າ 3.398.000 ເມັດ ແລະ ຢາໄອສ໌ 25 ກິໂລກຣາມ

ຂ່າວປ້ອງກັນຄວາມສະຫງົບ ແຂວງວຽງຈັນ ລາຍງານວ່າ: ວັນທີ 1 ທັນວາ 2023ນີ້, ສານປະຊາ ຊົນແຂວງ ວຽງຈັນ ໄດ້ພິຈາລະນາຕັດສິນລົງໂທດປະຫານຊີວິດ ຜູ້ຂົນສົ່ງຢາເສບຕິດ 2 ຄົນ ຄື: ນາງ ກັນຕິສາ ອາຍຸ 46 ປີ, ອາຊີບຄ້າຂາຍ ຢູ່ບ້ານວັດໄຕນ້ອຍທົ່ງ ເມືອງສີໂຄດຕະບອງ, ນະຄອນຫລວງວຽຈັນ ແລະ ນາງ ບຸດສະດີ ອາຍຸ 49 ປີ, ອາຊີບຄ້າຂາຍ ຢູ່ບ້ານທ້າວແກ່ນ, ເມືອງ ແກ່ນທ້າວ, ແຂວງໄຊຍະບູລີ ມີຄວາມຜິດໃນສະຖານ ຂົນສົ່ງຢາເສບຕິດປະເພດຢາບ້າ ແລະ ຢາໄອສ໌, ທັງ 2 ຄົນ ຖືກເຈົ້າ ໜ້າທີ່ກັກຕົວ ໃນວັນທີ 3 ມີນາ 2022, ພ້ອມຂອງກາງຢາບ້າ 3.398.000 ເມັດ ແລະ ຢາໄອສ໌ 25 ກິໂລກຣາມ.

ຜ່ານການສັງລວມຂໍ້ມູນຫລັກຖານຢ່າງລະອຽດຄົບຖ້ວນ ແລະ ພາວະວິໄສບວກກັບຄຳສາລະພາບຂອງທັງສອງຄົນເຫັນວ່າ ນາງ ກັນຕີສາ ແລະ ນາງ ບຸດສະດີ ແມ່ນມີຄວາມຜິດໃນສະຖານການຂົນສົ່ງແລະມີໄວ້ໃນຄອບຄອງຢາເສບຕິດ ປະເພດຢາບ້າ ແລະ ຢາໄອສ໌ແທ້, ດັ່ງນັ້ນສານປະຊາຊົນແຂວງແຂວງວຽງຈັນ ຈຶ່ງພິຈາລະນາຕັດສິນປະຫານຊີວິດ ຕາມການກະທຳຄວາມຜິດຂອງພວກກ່ຽວ.