ຊາວພຸດຮ່ວມໃສ່ບາດ ສືບສານປະເພນີ ບຸນທາດຫລວງວຽງຈັນ ປະຈຳປີ 2023

ໃນຕອນເຊົ້າວັນທີ 27 ພະຈິກ 2023 ນີ້, ກົງກັບມື້ຂຶ້ນ 15 ຄ່ຳເດືອນ 12, ເປັນມື້ສຸດ ທ້າຍຂອງບຸນນະມັດສະການ ພະທາດຫລວງວຽງຈັນ ມວນຊົນນະຄອນຫລວງວຽງຈັນ ກໍຄື ພຸດທະສາ ສະນິກະຊົນລາວບັນດາເຜົ່າ ໄດ້ພ້ອມກັນໃສ່ບາດຖະຫວາຍສັງຄະທານ ແດ່ພະສົງສາມະເນນ ຢູ່ເດີ່ນທາດຫລວງ ໂດຍມີບັນດາການນໍາພັກ, ລັດ ນຳໂດຍ ທ່ານ ທອງລຸນ ສີສຸລິດ ປະທານປະເທດ, ທ່ານ ໄຊສົມພອນ ພົມວິຫານ ປະທານສະພາແຫ່ງຊາດ ພ້ອມດ້ວຍພັນລະຍາ ເຂົ້າຮ່ວມນຳໜ້າໃສ່ບາດຖະຫວາຍສັງຄະທານ ດ້ວຍບັນຍາກາດອັນຄຶກຄື້ນ.