ຢຶດລົດ Mercedes Benz ບໍ່ມີເອກະສານຖືກຕ້ອງ

ວັນທີ 23 ພະຈິກ 2023, ເຈົ້າໜ້າທີ່ພາສີພະແນກສືບສວນ-ສອບສວນ ແລະ ປາບປາມການລັກລອບໜີພາສີ (ພສປ) ປະຈໍາການຢູ່ຈຸດປະສານງານນາເລົ່າ ແຂວງບໍລິຄໍາໄຊ, ໄດ້ຮັບແຫລ່ງຂ່າວຈາກພົນລະເມືອງດີວ່າມີລົດຈິບ: ຍີ່ຫໍ້ Mercedes Benz 1 ຄັນ, ບໍ່ຕິດປ້າຍທະບຽນຂັບຂີ່ຢູ່ຕາມເສັ້ນທາງ 13 ໃຕ້ ເຂດເມືອງຫີນບູນ ແຂວງຄຳມ່ວນ.

ດັ່ງນັ້ນ, ເຈົ້າໜ້າພາສີ ພສປ ປະຈໍາການຢູ່ຈຸດປະສານງານນາເລົ່າ ແຂວງບໍລິຄໍາໄຊ, ຈຶ່ງໄດ້ຕິດຕາມເປົ້າໝາຍ, ເມື່ອພົບເຫັນລົດເປົ້າໝາຍແລ້ວ ຈຶ່ງສະແດງຕົນພ້ອມບັດເຈົ້າໜ້າທີ່ ເຂົ້າກວດກາ, ຜ່ານການກວດກາເບື້ອງຕົ້ນເຫັນວ່າ: ລົດບໍ່ມີເອກະສານຖືກຕ້ອງ, ຈຶ່ງກັກຢືດລົດຄັນດັ່ງກ່າວໄວ້ ແລະ ມອບລົດໃຫ້ພາສີປະຈໍາແຂວງຄຳມ່ວນ ນຳໄປດຳເນີນການຂັ້ນຕອນຂອງກົດໝາຍ ແລະ ລະບຽບການຕໍ່ໄປ.