ເຈົ້າໜ້າທີ່ພາສີປະຈຳຈຸດປະສານງານປາກມອງ ແຂວງຫລວງພະບາງ ຢຶດລົດກະບະ TOYOTA ບໍ່ມີເອກະສານ ຢັ້ງຢືນການເສຍພາສີນໍາເຂົ້າ

ວັນທີ 22 ພະຈິກ 2023, ເຈົ້າໜ້າທີ່ພາສີພະແນກສືບສວນ-ສອບສວນ ແລະ ປາບປາມການລັກລອບໜີພາສີ (ພສປ) ປະຈຳຈຸດປະສານປາກມອງ ເມືອງນ້ຳບາກ ແຂວງຫລວງພະບາງ, ໄດ້ຮັບແຫລ່ງຂ່າວຈາກພົນລະເມືອງດີວ່າມີລົດກະບະ TOYOTA, ບໍ່ຕິດແຜ່ນປ້າຍທະບຽນ ຢູ່ເຂດບ້ານຊ່າງໄຫ ເມືອງ ປາກອູແຂວງ ຫໍວງພະບາງ.

ດັ່ງນັ້ນ, ເຈົ້າໜ້າທີ່ພາສີ ພສປ ຈຶ່ງໄດ້ອອກຕິດຕາມຕາມສາຍທາງ 13 ເໜືຶອແຕ່ເຂດບ້ານນ້ຳຖ້ວມ ເມືອງນ້ຳບາກ ຫາ ເມືອງປາກອູ ແລະ ໄດ້ພົບເຫັນລົດເປົ້າໜາຍດັ່ງກ່າວ, ແລະ ກວດກາເບິ່ງເອກະສານ, ຜ່ານການກວດກາ ສືບສວນເບື້ອງຕົ້ນ ເຈົ້າຂອງລົດຮັບສາລະພາບວ່າບໍ່ມີເອກະສານ ຢັ້ງຢືນການເສຍພາສີນໍາເຂົ້າ. ດັ່ງນັ້ນ, ຈຶ່ງໄດ້ເຮັດບົດທຶກຢືດສິນຄ້າ, ພ້ອມທັງສືບສວນ-ສອບສວນສົ່ງມອບລົດໃຫ້ຫ້ອງການພາສີ ປະຈຳແຂວງຫລວງພະບາງ, ດຳເນີນການຕາມລະບຽບກົດໝາຍຂັ້ນຕໍ່ໄປ.