ລາຍການທີ່ຜະລິດໂດຍວິທະຍຸໂທລະພາບສູນກາງຈີນເລີ່ມອອກອາກາດຢູ່ແຂວງຫລວງພະບາງ
ວັນທີ 21 ພະຈິກ 2023, ລາຍການແສງສີຈາກຈີນທີ່ຜະລິດໂດຍວິທະຍຸໂທລະພາບສູນກາງຈີນໄດ້ເລີ່ມອອກອາກາດຜ່ານວິທະຍຸຫລວງພະບາງ ໂດຍມີທ່ານບຸນເລື່ອມ ມະນີວົງ ຮອງເຈົ້າແຂວງແຂວງຫຼວງພະບາງ ແລະທ່ານ ຫູຈີ້ງຈຸ່ນ ຮອງຜູ້ອຳນວຍການໃຫຍ່ວິທະຍຸໂທລະພາບສູນກາງຈີນເຂົ້າຮ່ວມແລະໄດ້ກ່າວຄຳເຫັນ.
ໃນເວລາປະກອບຄຳເຫັນ, ທ່ານຫູຈິ້ງຈຸ່ນກ່າວວ່າ: ໃນກອງປະຊຸມສຸດຍອດເວທີເປິກສາຫາລືການຮ່ວມມືສາກົນ “ໜຶ່ງແລວໜຶ່ງເສັ້ນທາງ” ຄັ້ງທີ 3 ທີ່ຈັດຂຶ້ນໃນຫວ່າງບໍ່ດົນມານີ້, ໄດ້ວາງແຜນແມ່ບົດອັນຍິ່ງໃຫຍ່ທີ່ອະລິຍະທຳ ຕ່າງໆຢູ່ ຮ່ວມກັນຢ່າງກົມກຽວ ແລະ ແລກປ່ຽນເຊິ່ງກັນແລະກັນ. ແຕ່ໃດໆມາ, CMG ຖືເອົາການບັນທຶກຄວາມກ້າວໜ້າ ຂອງອະລິຍະທຳ, ຊຸກຍູ້ການແລກປ່ຽນລະຫວ່າງອະລິຍະທຳຕ່າງໆເປັນໜ້າທີ່ຂອງຕົນ, ໃຊ້ວິທີການເຜີຍແຜ່ທີ່ເຊື່ອມໂຍງ ແນວຄິດ ສິລະປະກັບເຕັກໂນໂລຊີ, ສ້າງຂົວມິດຕະພາບເພື່ອຊຸກຍູ້ປະຊາຊົນບັນດາປະເທດໃນໂລກສະໜິດສະໜົມກັນ ຮ່ວມກັນກ້າວໄປສູ່ຄວາມທັນສະໄໝ, ເຮັດໃຫ້ປະຊາຊົນໃນໂລກນັບມື້ນັບຫລາຍກາຍເປັນຜູ້ເດີນທາງຮ່ວມກັນ. ທ່ານຫູຈິ້ນຈຸ່ນກ່າວວ່າ, ຫວັງວ່າຜ່ານລາຍການແສງສີຈາກຈີນທີ່ເລີ່ມອອກອາກາດໃນມື້ນີ້ ເຕັມໄປດ້ວຍບັນຍາກາດວັດທະນະທຳ ຂອງສະໄໝບູຮານ ກໍຄື ຍຸກປັດຈຸບັນ, ຈະເປີດອີກຊ່ອງທາງໜຶ່ງໃຫ້ແກ່ເພື່ອນມິດປະຊາຊົນລາວໃນການຮັບຮູ້ປະເທດຈີນ.
ທ່ານບຸນເລື່ອມ ມະນີວົງ ປະກອບຄຳເຫັນວ່າ, ລາຍການ ສື່ປະສົມ “ແສງສີຈາກຈີນ” ທີ່ຈະເລີ່ມອອກອາກາດໃນມື້ນີ້, ແມ່ນການເລົ່າເລື່ອງວັດທະນະທຳຈີນ ທີ່ສື່ສານດ້ວຍພາສາລາວ ເຊິ່ງກໍສະແດງໃຫ້ເຫັນວ່າ ວິທະຍຸໂທລະພາບສູນກາງຈີນ ໄດ້ເຕົ້າໂຮມບັນດາຜູ້ທີ່ມີຄວາມຮູ້ ຄວາມສາມາດ ຮູ້ພາສາລາວ-ພາສາຈີນ ທີ່ດີເດັ່ນ ຈາກປະເທດຈີນ ເພື່ອມາສ້າງສັນລາຍການ ທີ່ດີ ແລະ ມີປະໂຫຍດ ໃຫ້ປະຊາຊົນຊາວຫລວງພະບາງ ບັນດາເຜົ່າ ໄດ້ຮັບຝັງຮັບຊົມ ຢ່າງເບີກບານມ່ວນຊື່ນ. ຂ້າພະເຈົ້າ ຫວັງຢ່າງຍິ່ງວ່າ ເວທີອັນກວ້າງໃຫຍ່ ຂອງວິທະຍຸໂທລະພາບສູນກາງຈີນ ຈະເປັນສື່ໃນການໂຄສະນາ ໃຫ້ປະຊາຊົນທັງສອງຊາດ ລາວ-ຈີນ ລວມທັງ ປະເທດສາກົນ ໄດ້ຮັບຮູ້ ເຂົ້າໃຈ ເຖິງ ວັດທະນະທຳ, ຮີດຄອງປະເພນີອັນດີງາມ ຂອງ ລາວ-ຈີນ ໃຫ້ກວ້າງຂວາງ ຫລາຍຂຶ້ນກວ່າເກົ່າ.
ລາຍການແສງສີຈາກຈີນ ຜະລິດໂດຍວິທະຍຸໂທລະພາບສູນກາງຈີນ ເປັນລາຍການທີ່ແນະນຳວັດຖະນະທຳຂອງຈີນແຕ່ສະໄໝບູຮານຈົນຮອດປະຈຸບັນ ກໍ່ຄືການພັດທະນາສັງຄົມຈີນເພື່ອໃຫ້ຜູ່ຟັງລາວຈະໄດ້ຮູ້ກັບຈີນທີ່ແທ້ຈິງ, ມີຊີວິດຊີວາ ແລະຮອບດ້ານ ເຊິ່ງລາຍການນີ້ຈະອອກອາກາດຜ່ານທາງວິທະຍຸຫລວງພະບາງແຕ່ວັນຈັນຫາວັນອາທິດ.
ທ່ານຈ່າງເຊີ້ຜິງ ອຸປະທູດຈີນປະຈຳຫລວງພະບາງ, ທ່ານນາງສຸດາພອນ ຄົມທະວົງ ຫົວໜ້າກົມຖະແຫລງຂ່າວ ວັດທະນະທຳ ແລະທ່ອງທ່ຽວແຂວງຫລວງພະບາງລາວ ພ້ອມກັບ ຜູ້ຮັບຜິດຊອບຂອງວິທະຍຸໂທລະພາບສູນກາງຈີນປະຈຳອາຊີປາຊີຟິກ, ສູນອາຊີອາຝຣີກາວິທະຍຸໂທລະພາບສູນກາງຈີນ, ກົມພົວພັນຕ່າງປະເທດ, ສູນລາຍການພາສາຈີນຂອງວິທະຍຸໂທລະພາບສູນກາງຈີນ ກໍຄື ວິທະຍຸໂທລະພາບສູນກາງຈີນປະຈຳກວາງຊີຈີນໄດ້ເຂົ້າຮ່ວມກອງປະຊຸມສົນທະນາດັ່ງກ່າວ.
