ຄູຝຶກເອັສຣາຫວັງເອົາຊະນະ ປກສ ໃນອາທິດນີ້

ຄູຝຶກສະໂມສອນເອັສຣາ ເອັຟຊີຫວັງເອົາຊະນະສະໂມ ສອນ ປກສ ເອັຟຊີ ໃນວັນທີ 30 ກັນຍານີ້ ເວລາ 10 ໂມງ ທີ່ສະຫະພັນບານເຕະແຫ່ງ ຊາດລາວ ໃນການແຂ່ງຂັນ ເຕະບານເຍົາວະຊົນລຸ້ນອາຍຸ 14 ປີ(LFF U-14 BOYS’ FOOTBALL CHAMPIONSHIP 2017) ເພື່ອຄັດ ເລືອກຕົວແທນສະໂມສອນ ຈາກ ລາວ ເຂົ້າຮ່ວມລາຍ ການແຂ່ງຂັນ CP-Meiji Cup U-14 International Champions 2017 ທີ ແຂວງ ບູລີລໍາ ປະເທດໄທ ໃນ ກາງເດືອນ ພະຈິກ ທີ່ຈະມາ ເຖິງນີ້.
ທ່ານ ສຸກອາພອນ ວົງ ຈຽງຄໍາ ຫົວໜ້າຄູຝຶກສະໂມ ສອນເອັສຣາ ເອັຟຊີ ໃຫ້ສໍາ ພາດວ່າ: ພາຍຫລັງໄດ້ຮັບ ການແຈ້ງຈາກ ສະຫະພັນ ບານເຕະແຫ່ງຊາດລາວ (ສຕລ) ໃຫ້ເຂົ້າຮ່ວມແຂ່ງຂັນ ເຕະບານເຍົາວະຊົນລຸ້ນອາຍຸ 14 ປີ(LFF U-14 BOYS’ FOOTBALL CHAMPION SHIP 2017) ເພື່ອຄັດເລືອກຕົວແທນສະໂມສອນຈາກລາວເຂົ້າຮ່ວມລາຍການແຂ່ງຂັນ CP-Meiji Cup U-14 International Champions 2017 ທີ່ ແຂວງບູລີລໍາ ປະເທດໄທ ຈະ ຈັດຂຶ້ນໃນວັນທີ 8-11 ພະຈິກ ທີ່ໃກ້ຈະມາເຖິງນີ້. ທາງຄະນະ ບໍລິຫານສະໂມສອນຂອງ ພວກເຮົາໄດ້ຂຸ້ນຂ້ຽວຝຶກຊ້ອມຢ່າງເຕັມທີ່ໂດຍເອົານັກກິລາ ຂອງສະໂມສອນທີ່ໄດ້ຈາກ ການຄັດເລືອກໃນຕົ້ນເດືອນມິຖຸນາຜ່ານມາຢູ່ 4 ແຂວງພາກ ກາງ ແລະ ພາກໃຕ້ ເຊິ່ງພວກ ເຮົາໄດ້ເລີ່ມຝຶກຊ້ອມແຕ່ຕົ້ນ ເດືອນກັນຍາຜ່ານມານີ້ ດັ່ງ ນັ້ນ, ຈຶ່ງເຮັດໃຫ້ຕົນເອງມີ ຄວາມໝັ້ນໃຈເປັນພິເສດໃນ ການຄັດເລືອກຄັ້ງນີ້. ນອກ ຈາກນັ້ນ, ສະໂມສອນຂອງ ພວກເຮົາຍັງໄດ້ລົງສະໜາມ ນັດທໍາອິດສາມາດເອົາຊະນະ ສະໂມສອນມາດສເຕີເຊເວັນ ເອັຟຊີ 13-0 ປະຕູໃນວັນທີ 23 ກັນຍາຜ່ານມານີ້ ຈາກຜົນງານດັ່ງກ່າວຕົນເອງສາມາດເວົ້າໄດ້ວ່າພວກເຮົາມີຄວາມພ້ອມທຸກດ້ານໂດຍສະ ເພາະພາລະກໍາລັງ ແລະ ຈິດ ໃຈ. ສໍາລັບເກມທີ່ຈະພົບກັບ ສະໂມສອນ ປກສ ເອັຟຊີ ອາ ທິດນີ້ພວກເຮົາຕ້ອງເອົາຊະນະໃຫ້ໄດ້ ໂດຍຈະເນັ້ນຫລິ້ນເກມ ບຸກພ້ອມທັງຕອບໂຕ້ກັບ.
ຕາຕະລາງການແຂ່ງຂັນວັນທີ 30 ກັນຍາ ສະໂມສອນ ລ້ານຊ້າງ ຢູໄນເຕັດ ພົບກັບ ມາສເຕີເຊວັນ ເອັຟຊີເວລາ 9:00 ໂມງ.