ຫລາຍສັບພະຄຸນດີໆຈາກດອກແຄຂາວ

ດອກແຄເປັນພືດສະໝຸນໄພທີ່ນິຍົມເອົາມາປຸງແຕ່ງເປັນອາຫານກິນ ເຊິ່ງນອກຈາກຈະມີຜົນການສຶກສາພົບວ່າຊ່ວຍປ້ອງກັນພະຍາດມະເຮັງໄດ້ແລ້ວ ດອກແຄຍັງມີສັບພະຄຸນດັບພິດຮ້ອນ, ຖອນພິດໄຂ້, ປິ່ນປົວອາການທ້ອງບິດ, ປິ່ນປົວອາການນຳ້ມູກເປັນເລືອດ, ຫລຸດຜ່ອນອາການເຈັບທ້ອງ ແລະ ຖອກທ້ອງໄດ້.

ທັງນີ້ໃນການແພດແຜນບູຮານກໍຍັງມີການເອົາດອກແຄມາຄັ້ນເອົານຳ້ ແລ້ວເອົາໄປໃຊ້ໃນການປິ່ນປົວພະຍາດລິດສີດວງດັງ ຫລື ດັງອັກເສບ, ແກ້ອາການເຈັບຫົວ ຫລື ເອົາໃບຂອງຕົ້ນດອກແຄມາຕຳ ແລ້ວທາພອກບາດແຜຟົກຊຳ້ ເພື່ອປິ່ນປົວນຳອີກ. ນອກຈາກນີ້, ດອກແຄຍັງມີໂປຣຕິນຫລາຍ ມີປະໂຫຍດຕໍ່ຮ່າງກາຍບໍ່ໜ້ອຍກ່ວາພືດຜັກຊະນິດອື່ນໆ.