ລາວເລັ່ງສ້າງຂໍ້ຕົກລົງວ່າດ້ວຍການຄ້າຊາຍແດນ
ພະແນກການຄ້າຊາຍແດນ ກົມການນໍາເຂົ້າ ແລະ ສົ່ງອອກ ກະຊວງອຸດສາຫະກຳ ແລະ ການຄ້າ ໃຫ້ຮູ້ວ່າ: ປັດຈຸບັນ ກະ ຊວງອຸດສາຫະກຳ ແລະ ການຄ້າ ກຳລັງຂຸ້ນຂ້ຽວ ສ້າງຂໍ້ຕົກລົງວ່າ ດ້ວຍການ ເພື່ອເປັນບ່ອນອີງໃນ ການເຄື່ອນໄຫວການຄ້າຊາຍ ແດນໃຫ້ເຂົ້າສູ່ລະບົບ, ໂດຍໄດ້ ກໍານົດນະໂຍບາຍສ້າງຄວາມສະ ດວກ ໃຫ້ແກ່ຜູ້ທີ່ຈະດໍາເນີນທຸລະ ກິດການຄ້າຊາຍແດນເປັນຕົ້ນ ການຊື້,ຂາຍ, ແລກປ່ຽນ ແລະ ນໍາເຂົ້າ-ສົ່ງອອກສິນຄ້າລະ ຫວ່າງ ສປປ ລາວ ກັບບັນດາປະ ເທດບ້ານໃກ້ເຮືອນຄຽງ ພ້ອມກໍາ ນົດນະໂຍບາຍຊຸກຍູ້ສົ່ງເສີມການ ພັດທະນາການຄ້າຊາຍແດນໃຫ້ ມີແບບແຜນ ແລະ ມີຈຸດສຸມທີ່ ແນ່ນອນ ເພື່ອສ້າງວຽກເຮັດ ງານທໍາ, ສ້າງລາຍຮັບ ແລະ ສາ ມາດຊ່ວຍແກ້ໄຂຊີວິດການເປັນ ຢູ່ຂອງປະຊາຊົນໃຫ້ດີຂຶ້ນ.
+ ກອງປະຊຸມວຽກງານຊາຍແດນລາວ-ໄທລະດັບເຈົ້າແຂວງ ແລະ ຈັງຫວັດຄັ້ງທີ X
+ ບໍ່ແກ້ວ ແລະ ຊຽງຮາຍ ເພີ່ມທະວີຮັກສາຄວາມສະຫງົບຕາມຊາຍແດນ
ຮ່າງຂໍ້ຕົກລົງດັ່ງກ່າວ, ປະ ກອບມີ 6 ໝວດ 26 ມາດຕາ ເຊິ່ງໄດ້ກໍານົດຫລັກການ, ລະ ບຽບການ ແລະ ມາດຕະການ ເພື່ອຄຸ້ມຄອງການຄ້າຊາຍແດນ. ໃນນັ້ນ ໄດ້ລະບຸລະອຽດກ່ຽວກັບ ການຄ້າຊາຍແດນຂອງ ສປປ ລາວ ເຊິ່ງປະກອບມີ 3 ຮູບແບບ ຄື: ການຄ້າຊາຍແດນທົ່ວໄປ ແມ່ນການຄ້າລະຫວ່າງຜູ້ດໍາ ເນີນທຸລະກິດຢູ່ ສປປ ລາວ ກັບ ຜູ້ດໍາເນີນທຸລະກິດຢູ່ປະເທດທີ່ ມີຊາຍແດນຕິດຈອດກັນ ເຊິ່ງ ມີການພົວພັນຊື້-ຂາຍ, ແລກ ປ່ຽນ ແລະ ນໍາເຂົ້າ-ສົ່ງອອກສິນ ຄ້າ ໂດຍປະຕິບັດຕາມເງື່ອນໄຂ ແລະ ຂັ້ນຕອນການຄ້າຂອງ ສອງປະເທດ; ການຄ້າຊາຍ ແດນຕາມກອບສັນຍາ ແມ່ນ ການຄ້າ ລະຫວ່າງ ສປປ ລາວ ກັບປະເທດທີ່ມີຊາຍແດນຕິດ ຈອດກັນ ເຊິ່ງມີການພົວພັນ ຊື້-ຂາຍ, ແລກປ່ຽນ ແລະ ນຳ ເຂົ້າ-ສົ່ງອອກສິນຄ້າ ໂດຍປະ ຕິບັດຕາມເງື່ອນໄຂ ແລະ ຂັ້ນ ຕອນຕາມກອບສັນຍາ, ຂໍ້ຕົກ ລົງ ແລະ ບົດບັນທຶກທີ່ໄດ້ລົງ ນາມຮ່ວມກັນຂອງສອງປະ ເທດ; ການຄ້າຊາຍແດນຂອງ ປະຊາຊົນ ແມ່ນການຊື້-ຂາຍ ຫລື ແລກປ່ຽນ ສິນຄ້າຂອງປະຊາ ຊົນໂດຍຜ່ານ ດ່ານຊາຍແດນ ເຊິ່ງສ່ວນໃຫຍ່ ແມ່ນ ສິນຄ້າທີ່ ຜະລິດໃນທ້ອງຖິ່ນຕາມເຂດ ຊາຍແດນ. ນອກນັ້ນ, ຍັງໄດ້ກໍາ ນົດສິດ ແລະ ພັນທະຂອງຜູ້ດໍາ ເນີນການຄ້າຊາຍແດນ; ສິດ ແລະ ໜ້າທີ່ຂອງອົງການຄຸ້ມ ຄອງການຄ້າຊາຍແດນແຕ່ສູນ ກາງຫາທ້ອງຖິ່ນຢ່າງຈະແຈ້ງ.
ການພັດທະນາການຄ້າ ຊາຍແດນແມ່ນວຽກງານບູລິ ມະ ສິດໜຶ່ງ ຂອງກະຊວງອຸດສາ ຫະກໍາ ແລະ ການຄ້າທີ່ໄດ້ຈັດ ເຂົ້າໃນແຜນພັດທະນາອຸດສາ ຫະກໍາປຸງແຕ່ງ ແລະ ການຄ້າ 5 ປີ (2016-2020) ເພື່ອຊຸກຍູ້ ສົ່ງເສີມການຄ້າລະຫວ່າງ ສປປ ລາວ ກັບບັນດາປະເທດ ບ້ານ ໃກ້ເຮືອນຄຽງໃຫ້ຂະຫຍາຍຕົວ ຂຶ້ນ, ເນື່ອງຈາກວ່າ ໄລຍະຜ່ານ ມາຍັງບໍ່ມີນິຕິກໍາໃດເປັນບ່ອນ ອີງໃນການຈັດຕັ້ງປະຕິບັດ ຈຶ່ງເຮັດໃຫ້ການຄ້າຊາຍແດນ ຂະຫຍາຍຕົວຊ້າ. ດັ່ງນັ້ນ, ເພື່ອ ເຮັດໃຫ້ການເຄື່ອນໄຫວການ ຄ້າຊາຍແດນເຂົ້າສູ່ລະບົບ ແລະ ມີແບບແຜນ, ກະຊວງອຸດ ສາຫະກໍາ ແລະ ການຄ້າຈຶ່ງ ມອບໝາຍໃຫ້ກົມການນໍາເຂົ້າ ແລະ ສົ່ງອອກສ້າງນິຕິກໍາ ກ່ຽວກັບການຄ້າຊາຍແດນຂຶ້ນ ແລະ ຕ້ອງໃຫ້ສໍາເລັດພາຍໃນ ປີ 2017 ນີ້.
