ຍີ່ປຸ່ນ ໃຫ້ການຊ່ວຍເຫລືອ ໂຄງການປັບປຸງສະໜາມກິລາເຈົ້າອະນຸວົງ 4.171 ລ້ານເຢນ ຫລື ປະມານ 575 ຕື້ກວ່າກີບ

ພາຍຫລັງສຳເລັດກອງປະຊຸມພົບປະ ສອງຝ່າຍ ລະຫວ່າງ ທ່ານ ສະເຫລີມໄຊ ກົມມະສິດ ຮອງນາຍົກລັດຖະມົນຕີ, ລັດຖະມົນຕີກະຊວງການຕ່າງປະເທດ ລາວ ໄດ້ພົບປະກັບ ທ່ານ ນາງ ຄາມິກາວະ ໂຢໂກະ (KAMIKAWA Yoko) ລັດຖະມົນຕີກະຊວງການຕ່າງປະເທດ ຍີ່ປຸ່ນ ວັນທີ 10 ພະຈິກ 2023, ທັງສອງຝ່າຍໄດ້ຮ່ວມກັນລົງນາມເອກະສານແລກປ່ຽນ ໂຄງການປັບປຸງສະໜາມກິລາເຈົ້າອະນຸວົງ ນະຄອນຄອນຫລວງວຽງຈັນ, ມູນຄ່າ 4.171 ລ້ານກວ່າເຢນ ຫລື ປະມານ 575 ຕື້ກວ່າກີບ.

ເຊິ່ງແມ່ນໂຄງການຊ່ວຍເຫລືອຂອງລັດຖະບານຍີ່ປຸ່ນ ແກ່ ສປປ ລາວ ແລະ ໂຄງການດັ່ງກ່າວຈະກາຍເປັນສັນຍາລັກທີ່ສຳຄັນຖັດຈາກ ຊ້າງ ແລະ ດອກຊາກຸຣະ ເພື່ອສະເຫລີມສະຫລອງວັນສ້າງຕັ້ງສາຍພົວພັນທາງການທູດ ລະຫວ່າງ ສປປ ລາວ ແລະ ຍີ່ປຸ່ນ ຄົບຮອບ 70 ປີ ໃນປີ 2025 ທີ່ຈະມາເຖິງນີ້.