ຍົກລະດັບວຽກງານການຕ່າງປະເທດໃຫ້ວິຊາການ ສພຊ ທົ່ວປະເທດ

ຊຸດເຝິກອົບຮົມວຽກງານ ການຕ່າງປະເທດໃຫ້ພະນັກງານ ວິຊາການຂອງສະພາແຫ່ງຊາດ ທົ່ວປະເທດໄດ້ຈັດຂຶ້ນໃນວັນທີ 26-28 ກັນຍາທີ່ແຂວງວຽງຈັນ, ພາຍໃຕ້ການ ເປັນປະທານ ຂອງ ທ່ານ ເຄນທອງ ນວນທະສິງ ຮອງ ປະທານກຳມາທິການ ຕ່າງປະເທດ (ກຕທ) ສະພາ ແຫ່ງຊາດມີບັນດາຫົວໜ້າກົມ- ຮອງກົມ, ຫົວໜ້າພະແນກຮອງ ພະແນກ ແລະ ພະນັກງານວິ ຊາການຂອງສະພາປະຊາຊົນ ແຂວງ 18 ແຂວງໃນທົ່ວປະ ເທດເຂົ້າຮ່ວມຢ່າງພ້ອມພຽງ.

+ ຍົກລະດັບວຽກງານກົດໝາຍໃຫ້ພາກສ່ວນຄຸ້ມຄອງປ່າໄມ້

+ ເພີ່ມທັກສະການເປັນນັກວິທະຍາກອນປະຈຳ ສພຊ-ສພຂ

ທ່ານ ເຄນທອງ ນວນທະ ສິງກ່າວວ່າ: ວຽກງານການ ຕ່າງປະເທດ ຫລື ວຽກງານ ການທູດແມ່ນວຽກງານໜຶ່ງ ທີ່ສຳຄັນຂອງພັກ ແລະ ລັດຖະ ບານ, ແນ່ໃສ່ສ້າງເງື່ອນໄຂ ເອື້ອອຳນວຍໃຫ້ແກ່ການພັດ ທະນາເສດຖະກິດ-ສັງຄົມ, ການຄ້າ, ການລົງທຶນ, ການ ທ່ອງທ່ຽວທັງເປັນການໂຄສະນາ ເຜີຍແຜ່ພາບພົດອັນດີງາມ, ວັດ ທະນະທຳອັນລ້ຳເລີດຂອງຊາດ ລາວໃຫ້ແກ່ຕ່າງປະເທດຮູ້ຄົນ ລາວ ແລະ ປະເທດລາວ; ດັ່ງນັ້ນ ຊຸດອົບຮົມຄັ້ງນີ້ຈິ່ງສຳເລັດເພື່ອ ຍົກລະດັບຄວາມຮູ້ກ່ຽວກັບປະ ຫວັດຄວາມເປັນມາຂອງການ ທູດ, ນະໂຍບາຍການຕ່າງປະ ເທດຂອງພັກ ແລະ ລັດຖະບານ ໃນໄລຍະໃໝ່, ກໍຄືຂອງ ສພຊ ເຊິ່ງການເຄື່ອນໄຫວການທູດນັ້ນ ຕ້ອງມີການປະສານງານ ແລະ ສົມທົບຢ່າງກົມກຽວ ແລະ ມີ ການນຳພາ ແລະ ການຈັດຕັ້ງປະ ຕິບັດຢ່າງມີປະສິດທິຜົນ.

ໃນທີ່ປະຊຸມຜູ້ເຂົ້າຮ່ວມໄດ້ ຮັບຟັງກ່ຽວກັບນະໂຍບາຍການ ຕ່າງປະເທດຂອງພັກ-ລັດຖະ ບານໃນການພົວພັນຮ່ວມມືລະ ຫວ່າງ ສປປ ລາວ ກັບຕ່າງປະ ເທດ; ຂໍ້ຕົກລົງຂອງຄະນະເລຂາ ທິການສະພາແຫ່ງຊາດວ່າດ້ວຍ ການຈັດຕັ້ງ ແລະ ການເຄື່ອນ ໄຫວຂອງກົມລັດຖະສະພາສອງ ຝ່າຍ ແລະ ກົມພົວພັນລັດຖະສະ ພາຫລາຍຝ່າຍ; ບົດຮຽນການ ເປັນເສນາທິການຮັບໃຊ້ການ ເຄື່ອນໄຫວວຽກງານພົວພັນຕ່າງ ປະເທດແບບສອງຝ່າຍ, ບົດຮຽນ ການເປັນເສນາທິການໃຫ້ແກ່ ບັນດາທ່ານ ສສຊ ເພື່ອອຳນວຍ ສະດວກໃຫ້ແກ່ການເຄື່ອນໄຫວ ວຽກງານໃນຂົງເຂດການຕ່າງ ປະເທດເຊັ່ນ: ການຄົ້ນຄວ້າເອກະ ສານ, ການສ້າງແຜນ, ການປະ ສານງານກັບພາກສ່ວນທີ່ກ່ຽວ ຂ້ອງ ແລະ ການສ້າງເອກະສານ ຕ່າງໆ; ບົດຮຽນວຽກງານການ ທູດ; ບົດຮຽນກ່ຽວກັບການຄົ້ນ ຄວ້າ, ການເຂົ້າຮ່ວມການລົງ ນາມ ແລະ ຈັດຕັ້ງປະຕິບັດສົນທິ ສັນຍາສາກົນຂອງ ສປປ ລາວ ແລະ ບົດຮຽນ “ພາວະຜູ້ນຳ” (Leader Ship).