1 ເດືອນສົງຄາມອິດສະລາແອນ-ຮາມັດ ຈໍານວນຜູ້ເສຍຊີວິດຢູ່ກາຊາສູງເຖິງ 10.000 ຄົນ UN ຊີ້ກາຊາກໍາລັງກາຍເປັນ “ສຸສານເດັກ”

November 7, 2023 - 4:24 PM
1 ເດືອນສົງຄາມອິດສະລາແອນ-ຮາມັດ ຈໍານວນຜູ້ເສຍຊີວິດຢູ່ກາຊາສູງເຖິງ 10.000 ຄົນ UN ຊີ້ກາຊາກໍາລັງກາຍເປັນ “ສຸສານເດັກ” - gaza large - 1 ເດືອນສົງຄາມອິດສະລາແອນ-ຮາມັດ ຈໍານວນຜູ້ເສຍຊີວິດຢູ່ກາຊາສູງເຖິງ 10.000 ຄົນ UN ຊີ້ກາຊາກໍາລັງກາຍເປັນ “ສຸສານເດັກ”
1 ເດືອນສົງຄາມອິດສະລາແອນ-ຮາມັດ ຈໍານວນຜູ້ເສຍຊີວິດຢູ່ກາຊາສູງເຖິງ 10.000 ຄົນ UN ຊີ້ກາຊາກໍາລັງກາຍເປັນ “ສຸສານເດັກ” - kitchen vibe - 1 ເດືອນສົງຄາມອິດສະລາແອນ-ຮາມັດ ຈໍານວນຜູ້ເສຍຊີວິດຢູ່ກາຊາສູງເຖິງ 10.000 ຄົນ UN ຊີ້ກາຊາກໍາລັງກາຍເປັນ “ສຸສານເດັກ”

ສົງຄາມລະຫວ່າງອິດສະລາແອນ ແລະ ກຸ່ມຮາມັດທີ່ເກີດຂຶ້ນໃນວັນທີ 7 ຕຸລາ ດໍາເນີນຕໍ່ເນື່ອງມາຄົບ 1 ເດືອນ ໂດຍກະຊວງສາທາລະນະສຸກປາແລັສຕິນເປີດເຜີຍວ່າ: ຈໍານວນຜູ້ເສຍຊີວິດຈາກການໂຈມຕີທາງອາກາດຂອງອິດສະລາແອນຢູ່ເຂດກາຊາຈົນຮອດຕອນນີ້ເພີ່ມຂຶ້ນເປັນ 10.022 ຄົນ. ຂະນະທີ່ອິດສະລາແອນຍັງປະຕິເສດແຮງກົດດັນຈາກນາໆຊາດໃຫ້ຢຸດຍິງ ເຊັ່ນດຽວກັບກຸ່ມຮາມັດທີ່ຍັງບໍ່ຍອມປ່ອຍຕົວປະກັນ ທັງຊາວອິດສະລາແອນ ແລະ ຊາວຕ່າງປະເທດທີ່ຄາດວ່າມີຫລາຍກວ່າ 240 ຄົນ ລວມທັງຄົນໄທ 24 ຄົນ ຕາມຂໍ້ມູນຈາກກະຊວງການຕ່າງປະເທດ.

ກອງທັບອິດສະລາແອນເປີດເຜີຍຄວາມຄືບໜ້າປະຕິບັດການບຸກພາກພື້ນດິນໃນພື້ນທີ່ຕອນເໜືອຂອງເຂດກາຊາ, ຫລ້າສຸດພົບວ່າກອງກໍາລັງທະຫານອິດສະລາແອນໄດ້ເຂົ້າຍຶດພື້ນທີ່ຂອງກຸ່ມຮາມັດ ແລະ ກຽມພ້ອມໂຈມຕີນັກຮົບຮາມັດທີ່ລີ້ຊ້ອນຢູ່ບັງເກີ ແລະ ອຸໂມງໃຕ້ດິນ.

1 ເດືອນສົງຄາມອິດສະລາແອນ-ຮາມັດ ຈໍານວນຜູ້ເສຍຊີວິດຢູ່ກາຊາສູງເຖິງ 10.000 ຄົນ UN ຊີ້ກາຊາກໍາລັງກາຍເປັນ “ສຸສານເດັກ” - Visit Laos Visit SALANA BOUTIQUE HOTEL - 1 ເດືອນສົງຄາມອິດສະລາແອນ-ຮາມັດ ຈໍານວນຜູ້ເສຍຊີວິດຢູ່ກາຊາສູງເຖິງ 10.000 ຄົນ UN ຊີ້ກາຊາກໍາລັງກາຍເປັນ “ສຸສານເດັກ”

ຂະນະທີ່ກອງພົນອັລກໍາຊໍາຂອງຮາມັດລະບຸວ່າ: ໄດ້ທໍາລາຍຍານພາຫະນະທາງທະຫານຂອງອິດສະລາແອນ 27 ຄັນໃນໄລຍະ 48 ຊົ່ວໂມງຜ່ານມາ ແລະ ສ້າງຄວາມເສຍຫາຍໜັກໃນການປະທະກັບກອງທະຫານອິດສະລາແອນ.

ໂຄສົກກະຊວງສາທາລະນະສຸກປາແລັສຕິນຢູ່ກາຊາເປີດເຜີຍວ່າ: ການຖິ້ມລະເບີດໂຈມຕີພື້ນທີ່ຕອນເໜືອ ແລະ ໃຕ້ຂອງກາຊາຄັ້ງຫລ້າສຸດສົ່ງຜົນເຮັດໃຫ້ມີຜູ້ເສຍຊີວິດຫລາຍສິບຄົນ ແລະ ອ້າງວ່າອິດສະລາແອນໄດ້ໂຈມຕີໂຮງໝໍປິ່ນປົວຄົນເປັນມະເຮັງແຫ່ງໜຶ່ງ ຈົນເຮັດໃຫ້ມີຜູ້ເສຍຊີວິດຢ່າງໜ້ອຍ 8 ຄົນ ເຊິ່ງທາງກອງທັບອິດສະລາແອນລະບຸວ່າ: ກໍາລັງກວດສອບລາຍງານດັ່ງກ່າວ.

ທັງນີ້, ກອງທັບອິດສະລາແອນເປີດເຜີຍວ່າ: ມີທະຫານ 31 ຄົນ ຖືກສັງຫານນັບແຕ່ເລີ່ມຂະຫຍາຍປະຕິບັດການພາກພື້ນດິນຢູ່ເຂດກາຊາໃນວັນທີ 27 ຕຸລາ ໂດຍອິດສະລາແອນເນັ້ນວ່າ: ກຸ່ມຮາມັດໃຊ້ວິທີລີ້ຊ້ອນຢູ່ກັບພົນລະເຮືອນ ແລະ ໃນໂຮງໝໍ.

ຂະນະທີ່ກຸ່ມຮາມັດກ່າວວ່າ: ແນວຄິດທີ່ວ່າກຸ່ມຮາມັດມີຖານຢູ່ໂຮງໝໍນັ້ນເປັນ “ການເລົ່າເລື່ອງປອມ” ເຊິ່ງອົງການສະຫະປະຊາຊາດຄວນກວດສອບ.

ທ່ານ ອັນໂຕນິໂອ ກູເຕີເຣສ ເລຂາທິການອົງການສະຫະປະຊາຊາດ ຖະແຫລງໃນວັນທີ 6 ພະຈິກວ່າ: ເຂດກາຊາກໍາລັງຈະກາຍເປັນ “ສຸສານສໍາລັບເດັກນ້ອຍ”.

ກ່ອນໜ້ານີ້, 18 ອົງກອນຂອງ UN ໄດ້ອອກຖະແຫລງການຮຽກຮ້ອງການຢຸດຍິງຢູ່ກາຊາທັນທີ, ພ້ອມເປີດທາງໃຫ້ມີການສົ່ງການຊ່ວຍເຫລືອ ແລະ ຄຸ້ມຄອງພົນລະເຮືອນ ຫລັງສະຖານະການດ້ານມະນຸດສະທໍາຢູ່ກາຊາຮ້າຍແຮງຂຶ້ນ.

ໜ່ວຍງານຊ່ວຍເຫລືອສາກົນເປີດເຜີຍວ່າ: ໂຮງໝໍຢູ່ກາຊາບໍ່ສາມາດຮອງຮັບຜູ້ບາດເຈັບທີ່ເພີ່ມຂຶ້ນໄດ້. ຂະນະທີ່ອາຫານ ແລະ ນໍ້າສະອາດກໍາລັງຂາດເຂີນຢ່າງໜັກ ເຊິ່ງການສົ່ງການຊ່ວຍເຫລືອ ແລະ ສະບຽງອາຫານບໍ່ພຽງພໍ.

ເຖິງຢ່າງໃດກໍຕາມ, ຫລ້າສຸດນາຍົກລັດຖະມົນຕີ ເບນຈາມິນ ເນທັນຢາຮູ ກ່າວວ່າ: ອິດສະລາແອນຈະພິຈາລະນາ “ການຢຸດຍິງທາງຍຸດທະວິທີພຽງເລັກໜ້ອຍ” ເພື່ອເປີດທາງໃຫ້ມີການສົ່ງການຊ່ວຍເຫລືອ ຫລື ປ່ອຍຕົວປະກັນໃນໄລຍະເວລາຈໍາກັດປະມານ 1 ຊົ່ວໂມງໃນບາງຈຸດ, ແຕ່ຍັງຢືນຢັນປະຕິເສດຂໍ້ຮຽກຮ້ອງໃຫ້ຢຸດຍິງ.

ອ້າງອີງ:

1 ເດືອນສົງຄາມອິດສະລາແອນ-ຮາມັດ ຈໍານວນຜູ້ເສຍຊີວິດຢູ່ກາຊາສູງເຖິງ 10.000 ຄົນ UN ຊີ້ກາຊາກໍາລັງກາຍເປັນ “ສຸສານເດັກ” - 3 - 1 ເດືອນສົງຄາມອິດສະລາແອນ-ຮາມັດ ຈໍານວນຜູ້ເສຍຊີວິດຢູ່ກາຊາສູງເຖິງ 10.000 ຄົນ UN ຊີ້ກາຊາກໍາລັງກາຍເປັນ “ສຸສານເດັກ”
1 ເດືອນສົງຄາມອິດສະລາແອນ-ຮາມັດ ຈໍານວນຜູ້ເສຍຊີວິດຢູ່ກາຊາສູງເຖິງ 10.000 ຄົນ UN ຊີ້ກາຊາກໍາລັງກາຍເປັນ “ສຸສານເດັກ” - 5 - 1 ເດືອນສົງຄາມອິດສະລາແອນ-ຮາມັດ ຈໍານວນຜູ້ເສຍຊີວິດຢູ່ກາຊາສູງເຖິງ 10.000 ຄົນ UN ຊີ້ກາຊາກໍາລັງກາຍເປັນ “ສຸສານເດັກ”
1 ເດືອນສົງຄາມອິດສະລາແອນ-ຮາມັດ ຈໍານວນຜູ້ເສຍຊີວິດຢູ່ກາຊາສູງເຖິງ 10.000 ຄົນ UN ຊີ້ກາຊາກໍາລັງກາຍເປັນ “ສຸສານເດັກ” - 4 - 1 ເດືອນສົງຄາມອິດສະລາແອນ-ຮາມັດ ຈໍານວນຜູ້ເສຍຊີວິດຢູ່ກາຊາສູງເຖິງ 10.000 ຄົນ UN ຊີ້ກາຊາກໍາລັງກາຍເປັນ “ສຸສານເດັກ”

Your Might Also Like