ສາຍການບິນແຫ່ງຊາດ ປາກິດສະຖານ ຍົກເລິກຖ້ຽວບິນ ຫລາຍຮ້ອຍຖ້ຽວ ເນື່ອງຈາກການຂາດແຄນເຊື້ອໄຟ

ສຳນັກຂ່າວຊິນຮວາ ລາຍງານ ວັນທີ 26 ຕຸລາ, ທ່ານ ອັບດຸລລາ ຮາຟີຊ ຂ່ານ ໂຄສົກ ຂອງປາກິດສະຖານ ອິນເຕີຣເນຊັນແນລ ແອຣລາຍ (PIA) ເປັນສາຍ ການບິນ ແຫ່ງຊາດ ປາກິດສະຖານ ກ່າວໃຫ້ສຳພາດຕໍ່ສຳນັກຂ່າວ ຊິນຮວາວ່າ: ສາຍການບິນ ໄດ້ຍົກເລິກ ຖ້ຽວບິນ ຫລາຍກວ່າ 300 ຖ້ຽວ ໃນໄລຍະ 10 ວັນຜ່ານມາ ເນື່ອງຈາກ ການຂາດແຄນ ເຊື້ອໄຟ ແລະ ບັນຫາ ທາງດ້ານການເງິນ. ການຂາດແຄນ ເຊື້ອໄຟ ໄດ້ເກີດຂຶ້ນ ຫລັງຈາກ ບໍລິສັດ ນໍ້າມັນ ແຫ່ງຊາດ ປາກິດສະຖານ (Pakistan State Oil – PSO) ໄດ້ຢຸດ ການຈັດສັນ ເຊື້ອໄຟໃຫ້ແກ່ ສາຍການບິນ ເນື່ອງຈາກ ຄ້າງຊໍາລະ ຄ່າທຳນຽມ. ສະນັ້ນ ໃນວັນທີ 24 ຕຸລາຜ່ານມາ ສາຍການບິີນນີ້ ໄດ້ຍົກເລິກ ຖ້ຽວບິນ ທັງໝົດ ຈຳນວນ 51 ຖ້ຽວ. ໃນນັ້ນ ຖ້ຽວບິນ ພາຍໃນ ປະເທດ ລວມມີ 27ຖ້ຽວ.
#ຂ່າວຕ່າງປະເທດລາວພັດທະນາ #ປາກິດສະຖານ #ຍົກເລິກຖ້ຽວບິນຫລາຍຮ້ອຍຖ້ຽວ