ເມືອງຄູນ ແຂວງຊຽງຂວາງ ຈູດທຳລາຍສິນຄ້າໝົດອາຍຸ ແລະ ສິນຄ້າເສື່ອມຄຸນນະພາບ

ວັນທີ 26 ຕຸລາ 2023, ຫ້ອງການອຸດສະຫະກໍາ ແລະ ການຄ້າເມືອງຄູນ ແຂວງຊຽງຂວາງ ໄດ້ທໍາລາຍສິນຄ້າໝົດອາຍຸ, ສິນຄ້າເສື່ອມຄຸນນະພາບ ແລະ ສິນຄ້ານໍາເຂົ້າບໍ່ຖືກຕ້ອງ ລວມມີ 27 ລາຍການຄື: ເຂົ້າໜົມ, ເຄື່ອງດື່ມເດັກນ້ອຍ, ໝີ່, ຄະນໍ, ແຈ່ວວາຊາບິ, ອາຫານສໍາເລັດຮູບ ແລະ ຈັກສະຕິນ 1 ເຄື່ອງ ລວມມູນຄ່າ 4 ລ້ານກວ່າກີບ ນຳມາຈູດທຳລາຍຖິ້ມ.

ເພື່ອເປັນການປະຕິບັດໜ້າທີ່ວຽກງານ ເພື່ອຜູ້ບໍລິໂພກ ຜູ້ຊົມໃຊ້ມີຄວາມປອດໄພ ໄດ້ໃຊ້ສິນຄ້າທີ່ມີຄຸນນະພາບ ເພື່ອສະກັດກັ້ນການລັກລອບນໍາເຂົ້າສິນຄ້າທີ່ໝົດອາຍຸ, ສິນຄ້າທີ່ບໍ່ຖືກຕາມລະບຽບກົດໝາຍ.