ດ່ວນ!! ອອກຄຳສັ່ງຊອກຈັບຕົວ ນາງ ເພັດສະພອນ ຊາມູນຕີ ຂໍ້ຫາສໍ້ໂກງຊັບ

ຫົວໜ້າກົມຕໍາຫລວດສືບສວນ-ສອບສວນ ກົມໃຫຍ່ຕໍາຫລວດ ກະຊວງປ້ອງກັນຄວາມສະຫງົບ ໄດ້ອອກຄໍາສັ່ງຊອກຈັບຕົວ ນາງ ເພັດສະພອນ ຊາມູນຕີ, ວັນເດືອນປີເກີດ 07 ທັນວາ 1977, ອາຊີບ ນັກທຸລະກິດ, ຖືໜັງສືຜ່ານ ແດນເລກທີ P2478198, ລົງວັນທີ 01 ທັນວາ 2022, ປັດຈຸບັນຢູ່ບ້ານ ທາດຫລວງໃຕ້, ໜ່ວຍ 13, ເມືອງ ໄຊເສດຖາ ນະຄອນຫລວງວຽງຈັນ.

• ຂໍ້ກ່າວຫາ: ການສໍ້ໂກງຊັບ ແລະ ການນໍາໃຊ້ແຊັກ ຫລື ພັນທະບັດອື່ນໂດຍບໍ່ຖືກຕ້ອງຕາມກົດໝາຍ, ຕາມມາດຕາ 233 ແລະ 281 ຂອງປະມວນກົດໝາຍອາຍາ ປີ 2017. ເຊິ່ງຜູ້ຖືກຫາທີ່ເອົາຕົວຫລົບໜີຈາກການກະທໍາຜິດ.

ລັກສະນະຈຸດພິເສດຂອງຜູ້ກ່ຽວແມ່ນ ລວງສູງ: 155 ຊັງຕີແມັດ; ຜິວ: ຂາວ; ມີສາຍພົວພັນຄອບຄົວ. ຊື່ພໍ່: ທ້າວ ບຸນຄໍາ ຊາມຸນຕີ, ອາຍຸ 78 ປີ, ອາຊີບ ປະຊາຊົນ, ປັດຈຸບັນຢູ່ບ້ານ ໂພນຊອງ, ເມືອງ ວຽງຄໍາ, ແຂວງ ວຽງຈັນ;  ຊື່ແມ່: ນາງ ບຸນເຖິງ ວິໄລສານ, ອາຍຸ 68 ປີ, ອາຊີບ ແມ່ບ້ານ, ປັດຈຸບັນຢູ່ບ້ານ ໂພນຊອງ, ເມືອງ ວຽງຄໍາ, ແຂວງ ວຽງຈັນ.

ດັ່ງນັ້ນ, ຫົວຫນ້າກົມຕໍາຫລວດສືບສວນ-ສອບສວນ ຈຶ່ງໄດ້ອອກຄໍາສັ່ງສະບັບນີ້ແຈ້ງມາຍັງ ກອງບັນຊາການ ປກສ ນະຄອນຫລວງວຽງຈັນ ແລະ ກອງບັນຊາການ ປກສ ແຂວງ ໃນຂອບເຂດທົ່ວປະເທດ, ຖ້າພົບເຫັນບຸກຄົນດັ່ງກ່າວກະລຸນາຈັບຕົວຜູ້ກ່ຽວສົ່ງໃຫ້ເຈົ້າໜ້າທີ່ກົມຕໍາຫລວດສືບສວນ-ສອບສວນ ສືບຕໍ່ດໍາເນີນຄະດີຕາມກົດໝາຍ.

ຖ້າພົບເຫັນ ກະລຸນາແຈ້ງ: ເບີໂທລະສັບ:

020 22223283 (ພັທ ສົມເພັດ ສຸໂພທິບ).

020 91613108 (ຮອ ວິໄລວັນ ໄຊຍະວົງ).