ເກີດເຫດໄຟໄໝ້ງານແຕ່ງດອງ ຢູ່ປະເທດຫວຽດນາມ ມີແຂກເຂົ້າຮ່ວມຫລາຍກວ່າ 400 ຄົນ

ສຳນັກຂ່າວ World Forum ລາຍງານວັນທີ 23 ຕຸລາ 2023 ວ່າ: ເກີດເຫດໄຟໄໝ້ຫ້ອງຈັດງານລ້ຽງງານແຕ່ງດອງ ທີ່ມີແຂກເຂົ້າຮ່ວມງານຫລາຍກວ່າ 400 ຄົນ, ເຊິ່ງມີຄົນໄດ້ຮັບບາດເຈັບພຽງ 1 ຄົນ, ເນື່ອງຈາກສາມາດຫລົບໜີອອກມາໄດ້ທັນ.

ຕາມການລາຍງານເບື້ອງຕົ້ນວ່າງານລ້ຽງໄດ້ຈັດຂຶ້ນໃນຫ້ອງຂອງໂບດແຫ່ງໜຶ່ງ ທາງພາກໃຕ້ຂອງປະເທດຫວຽດນາມ, ງານລ້ຽງຜ່ານໄປປະມານເຄິ່ງຊົ່ວໂມງ ໄຟລຸກໄໝ້ຂຶ້ນຢ່າງໄວວາ ຢູ່ບໍລິເວນດ້ານຫລັງວົງດົນຕີທີ່ກຳລັງຫລິ້ນຢູ່ ເຊິ່ງວັດຖຸທີ່ໃຊ້ໃນການຕົບແຕ່ງເປັນປະເພດຕິດໄຟໄດ້ງ່າຍ ແລະ ລາມຢ່າງໄວ, ທາງເຈົ້າໜ້າທີ່ ໄດ້ນຳໃຊ້ລົດດັບເພີງ 4 ຄັນເຂົ້າ ໃນການຄວບຄຸມສະຖານະການ ໃຊ້ເວລາພຽງ 30 ນາທີ ຈຶ່ງສາມາດຄວບຄຸມໄດ້ ຄາດວ່າສາເຫດໄຟໄໝ້ໃນຄັ້ງນີ້ອາດເປັນຍ້ອນໄຟຟ້າຂັດຂ້ອງ ສ່ວນຄວາມເສຍຫາຍ ປະມານ 1.000 ລ້ານໂດ່ງ.