ໝໍໄທເຕືອນ ຄົນທີ່ມັກກິນຜັກສົດ ສ່ຽງແມ່ພະຍາດຂຶ້ນສະໝອງ

ສຳນັກຂ່າວຊຽງໃໝ່ລາຍງານ ວັນທີ 23 ຕຸລາ 2023 ວ່າ: ທ່ານໝໍ ປະຊາ ກັນຍາປະສິດ ຜູ້ຊ່ຽວຊານດ້ານສັນຍະກຳປະສາດ ໂຮງໝໍຊຽງໃໝ່ ປະເທດໄທ ໃຫ້ຄວາມຮູ້ຫລັງມີກໍລະນີຄົນເຈັບເພດຍິງ ມີອາຍຸປະມານ 61 ປີ, ເຂົ້າມາພົບແພດຂະນະທີ່ມີອາການຊັກ, ກະຕຸກແຂນ-ຂາ ເບື້ອງຂວາ ກ່ອນຈະລາມໄປໝົດຕົນໂຕ ເຊິ່ງທ່ານໝໍ ລະບຸວ່າ: ທາງທີມງານໄດ້ເຮັດຊີທີ ສະແກນສະໝອງ ຜົນເອັກຊະເລ ພົບວ່າໃນສະໝອງມີແຄວຊຽມຕິດຢູ່ກັບໄຂ່ແມ່ພະຍາດ, ມີລັກສະນະເປັນກ້ອນວົງມົນ.

ຈາກການສອບຖາມປະຫວັດ ພົບວ່າຄົນເຈັບມັກກິນຜັກສົດ ເຊິ່ງສັນນິຖານວ່າ: ຜັກສົດອາດປົນເປື້ອນຈາກປຸຍທີ່ມາຈາກຂີ້ສັດ ແລ້ວລ້າງບໍ່ສະອາດ ເຮັດໃຫ້ຜັກມີໄຂ່ແມ່ພະຍາດມາພ້ອມ, ເມື່ອໄຂ່ແມ່ພະຍາດເຂົ້າສູ່ຮ່າງກາຍຈຶ່ງໄປແຊກຊຶມໃນລຳໄສ້ ແລະ ໄປອາໄສຢູ່ໃນສະໝອງ, ໄຂ່ແມ່ພະຍາດຈະມີໂຕອ່ອນຢູ່ດ້ານໃນ ແລ້ວໄປກະຕຸ້ນສະໝອງເຮັດໃຫ້ຊັກ, ສຳລັບຄົນເຈັບກໍລະນີນີ້ສາມາດປິ່ນປົວດ້ວຍຢາໂດຍບໍ່ຕ້ອງຜ່າຕັດ ແລະ ໃຫ້ຢາກັນຊັກ.

ສຳລັບຄົນທີ່ມັກກິນຜັກສົດ ຕ້ອງລ້າງໃຫ້ສະອາດ ເນື່ອງຈາກແມ່ພະຍາດຈະຢູ່ໃນປາດິບ ແລະ ຊີ້ນດິບ, ສ່ວນໄຂ່ແມ່ພະຍາດຈະຢູ່ຕາມຜັກສົດ ໂດຍສະເພາະ ຜັກສົດທີ່ໃຊ້ປຸຍດ້ວຍຂີ້ສັດ, ສະນັ້ນກ່ອນກິນຕ້ອງລ້າງໃຫ້ດີໆ ເພາະບໍ່ແມ່ນແຕ່ໄຂ່ແມ່ພະຍາດ ແຕ່ອາດຈະມີຢາຂ້າແມງໄມ້ອີກດ້ວຍ.

ອ້າງອີງຈາກ: https://www.facebook.com/photo?fbid=646818104291242&set=a.528239872815733