ສປປ ລາວຍັງປະເຊີນກັບສິ່ງທ້າທາຍໃນການລຶບລ້າງຄວາມທຸກຍາກ ໂດຍສະເພາະແມ່ນເຂດຊົນນະບົດ

ກອງປະຊຸມລະດັບຊາດວ່າດ້ວຍປະຊາກອນ ແລະ ການພັດທະນາ (NCDP) ປະຈໍາປີ 2023 ພາຍໃຕ້ຫົວຂໍ້ຊຸກຍູ້ການພັດທະນາເສດຖະກິດ-ສັງຄົມຢ່າງຕັ້ງໜ້າໂດຍການໃຊ້ຜົນປະໂຫຍດ ແລະ ເພີ່ມຄວາມສາມາດຂອງປະຊາກອນສາມາດຂອງປະຊາກອນ ດຳເນີນໄປໃນວັນທີ 23-24 ຕຸລາ 2023, ມີພາກສ່ວນຕ່າງໆທີ່ກຽວຂ້ອງທັງພາຍໃນ ແລະອົງການຈັດຕັ້ງສາກົນທີ່ກ່ຽວຂ້ອງເຂົ້າຮ່ວມ.

ທ່ານ ກິແກ້ວ ໄຂຄຳພິທູນ ຮອງນາຍົກລັດຖະມົນຕີ ກ່າວວ່າ: ຍ້ອນການປະກອບສ່ວນ ແລະ ຄວາມພະຍາຍາມຢ່າງບໍ່ຢຸດຢັ້ງຂອງພວກບັນດາຄູ່ຮ່ວມພັດທະນາ, ພາກສ່ວນເອກະຊົນ, ອົງການຈັດຕັ້ງສາກົນ, ອົງການຈັດຕັ້ງທາງສັງຄົມ ແລະ ທຸກພາກສ່ວນໃນສັງຄົມ ຈຶ່ງເຮັດໃຫ້ປະເທດເຮົາສາມາດຈັດຕັ້ງປະຕິບັດ 11 ບູລິມະສິດຖະແຫຼງການຂອງລັດຖະມົນຕີ ເຊັ່ນ: ອັດຕາສ່ວນປະຊາກອນທີ່ດໍາລົງຊີວິດຕໍ່າກວ່າເສັ້ນຄວາມທຸກຍາກແຫ່ງຊາດ ມີທ່າອ່ຽງຫຼຸດລົງ, ອັດຕາການຕາຍຂອງເດັກນ້ອຍລຸ່ມ 5 ປີ ຫຼຸດລົງ, ອັດຕາການຕາຍຂອງແມ່ຫຼຸດລົງ ແລະ ອັດຕາການເຂົ້າໂຮງຮຽນຂອງເດັກນ້ອຍໃນເກນອາຍຸເຂົ້າໂຮງຮຽນເພີ່ມຂຶ້ນ ເຊິ່ງໄດ້ສະແດງອອກໃນບາງຈຸດດັ່ງນີ້: ນັບແຕ່ໄດ້ຮັບການຮັບຮອງເອົາ ICPD PoA ໃນປີ 1994, ສປປ ລາວ ໄດ້ມີຄວາມຄືບໜ້າຢ່າງໃຫຍ່ຫຼວງ ໃນການບັນລຸອັດຕາສ່ວນປະຊາກອນທີ່ດຳລົງຊີວິດຕໍ່າກວ່າເສັ້ນຄວາມທຸກຍາກແຫ່ງຊາດຈາກ 48 ເປີເຊັນ. ໃນປີ 1990 ເປັນ 18.3 ສ່ວນຮ້ອຍ ໃນປີ 2018-2019, ອັດຕາສ່ວນການຕາຍຂອງແມ່ຫຼຸດລົງຈາກ 530 ຄົນຕໍ່ 100,000 ການເກີດມີຊີວິດໃນປີ 2000 ເປັນ 126 ຄົນຕໍ່ 100,000 ການເກີດມີຊີວິດໃນປີ 2020, ມີ 69 ເປີເຊັນຂອງການເກີດລູກ, ມີບຸກຄະລາກອນເຂົ້າໂຮງຮຽນປະຖົມ 8 ຄົນ. ເປີເຊັນ, ໃນບັນດາການປັບປຸງອື່ນໆ.

ນອກນັ້ນ, ຍັງໄດ້ສຳເລັດ ການສ້າງນະໂຍບາຍດ້ານປະຊາກອນ ແລະ ການພັດທະນາ ເຊິ່ງແມ່ນສະບັບທີ 3 ແລະ ມີໄລຍະໃນການຈັດຕັ້ງປະຕິບັດ ແຕ່ປີ 2019-2030. ນະໂຍບາຍດັ່ງກ່າວ ມີຈຸດປະສົງເພື່ອພັດທະນາປະຊາກອນໃຫ້ມີຄວາມສອດຄ່ອງກັບການຂະຫຍາຍຕົວຂອງເສດຖະກິດ ໂດຍນັ້ນໃສ່ການຍົກລະດັບຄວາມຮູ້ ແລະ ພາລະນາໄມຂອງປະຊາຊົນບັນດາເຜົ່າ, ການສ້າງ ແລະ ພັດທະນາຝືມືຂອງກໍາລັງແຮງງານ ແລະ ບຸກຄະລາກອນໃຫ້ສາມາດຕອບສະໜອງກັບຄວາມຕ້ອງການຂອງການພັດທະນາອັນຮີບດ່ວນໃນຕໍ່ໜ້າ, ພ້ອມທັງແກ້ໄຂບັນຫາຫຍໍ້ທໍ້ຕ່າງໆທາງສັງຄົມໄປຄຽງຄູ່ກັບການຂະຫຍາຍຕົວຂອງເສດຖະກິດ, ເຮັດໃຫ້ສັງຄົມມີຄວາມສີວິໄລ ແລະ ຍຸຕິທໍາເທື່ອລະກ້າວ.

ຄຽງຄູ່ກັນນີ້ ສປປ ລາວຍັງປະເຊີນກັບສິ່ງທ້າທາຍໃນການລຶບລ້າງຄວາມທຸກຍາກຂອງປະຊາຊົນ ໂດຍສະເພາະແມ່ນປະຊາຊົນບັນດາເຜົ່າຢູ່ເຂດຊົນນະບົດ ແລະ ໃນຄອບຄົວທີ່ມີລະດັບການສຶກສາຕໍ່າ ໂດຍຕິດພັນກັບແມ່ຍິງ ແລະ ເດັກຍິງ, ຄວາມບໍ່ສະເໝີພາບຍິງ-ຊາຍ, ອັດຕາການຕາຍຂອງແມ່ຍັງສູງ ແລະ ການຖືພາກ່ອນໄວອັນຄວນ. ນອກນັ້ນ, ການລະບາດຂອງພະຍາດໂຄວິດ-19 ກໍເປັນສິ່ງທ້າທາຍອັນໃຫຍ່ຫຼວງຂົງເຂດການສຶກສາ ແລະ ສາທາລະນະສຸກໃນ ສປປ ລາວ ເຊິ່ງໄດ້ສົ່ງຜົນກະທົບເປັນລວງກວ້າງ ເຮັດໃຫ້ເດັກເສຍໂອກາດໃນການເຂົ້າຮຽນ, ເຮັດໃຫ້ເດັກເສຍໂອກາດໃນການເຂົ້າຮຽນ, ການປະລະການຮຽນເພີ່ມຂຶ້ນ, ການເຂົ້າເຖິງ ສະຖານທີ່ບໍລິການດ້ານສາທາລະນະສຸກ ແລະ ໂພຊະນາການທີ່ຈໍາເປັນມີອັດຕາຫຼຸດລົງ, ໂດຍສະເພາະໃນກຸ່ມປະຊາກອນທີ່ມີຄວາມສ່ຽງ ເຊັ່ນ: ແມ່, ເດັກເກີດໃຫມ່, ເດັກນ້ອຍ ແລະ ຊາວໜຸ່ມ-ເຍົາວະຊົນ.