ຕຳຫລວດຈະລາຈອນ ຈັດກຳລັງ 290 ກວ່າຄົນ ເຂົ້າປ້ອງກັນງານບຸນອອກພັນສາ ແລະ ບຸນຊ່ວງເຮືອທ່າວັດຈັນ 2023

ວັນທີ 23 ຕຸລາ 2023, ພະແນກຕຳຫລວດຈະລາຈອນ ນະຄອນຫລວງວຽງຈັນ ໄດ້ຈັດກອງປະຊຸມແຜນປ້ອງກັນບຸນອອກພັນສາປະວໍລະນາ ແລະ ບຸນຊ່ວງເຮືອທ່າວັດຈັນ ເມືອງຈັນທະບູລີ ນະຄອນຫລວງວຽງຈັນ ປະຈໍາປີ 2023 ແຕ່ວັນທີ 27-30 ຕຸລາ 2023.

ພັທ ສັງຄົມ ພົມມະລາດ ຫົວໜ້າພະແນກຈະລາຈອນ ນວ ກ່າວວ່າ: ພະແນກຕຳຫລວດຈະລາຈອນ ນວ ຈະຕັ້ງຈຸດປ້ອງກັນທັງໝົດ 78 ຈຸດ, ໃນນີ້ ມີຈຸດວົງໃນ 31 ຈຸດ, ຈຸດວົງນອກ 41 ຈຸດ, ຈຸປະຈຳການຄອຍເຫດ 4 ຈຸ ແລະ ຈຸໂຄສະນາ 2 ຈຸ, ມີກຳລັງປ້ອງການເຂົ້າຮ່ວມທັງໝົດ 294 ສະຫາຍ ຍິງ 16 ສະຫາຍ, ມີລົດຮັບໃຊ້ 12 ຄັນ.

ທັງນີ້, ເພື່ອເຮັດໃຫ້ການສັນຈອນໄປມາມີຄວາມສະດວກ ແລະ ເປັນລະບຽບຮຽບຮ້ອຍດີ ທັງເຮັດໃຫ້ງານບຸນອອກພັນສາ ແລະ ງານຊ່ວງເຮືອທີ່ນະຄອນຫລວງວຽງຈັນປີນີ້ ມີຄວາມເບີກບານມ່ວນຊື່ນ ແລະ ສ້າງຄວາມປະທັບໃຈໃຫ້ແກ່ນັກທ່ອງທ່ຽວທັງ ພາຍໃນ ແລະ ຕ່າງປະເທດ.