ການຊ່ວຍເຫລືອດ້ານມະນຸດສະທໍາລໍາລຽງເຂົ້າສູ່ເຂດກາຊາ ຜ່ານດ່ານຂ້າມແດນຣາຟາ ປະເທດອີຢິບ
ລົດບັນທຸກທີ່ນໍາສົ່ງການຊ່ວຍເຫລືອດ້ານມະນຸດສະທໍາໃຫ້ບັນດາຊາວປາແລັສຕິນ ທະຍອຍເຄື່ອນຂະບວນເຂົ້າສູ່ພື້ນທີ່ຂອງເຂດກາຊາ ຜ່ານຈຸດຂ້າມແດນຣາຟາທີ່ເຊື່ອມຕໍ່ລະຫວ່າງເຂດກາຊາ ແລະ ຊາຍແດນປະເທດອີຢິບ ນັບແຕ່ວັນທີ 21 ຕຸລາ.
ໂດຍກຸ່ມຮາມັດລະບຸວ່າ: ລົດບັນທຸກຈໍານວນ 20 ຄັນທີ່ບັນທຸກຢາ ແລະ ອຸປະກອນການແພດ ລວມທັງອາຫານກະປ໋ອງ ແລະ ອາຫານສໍາເລັດຮູບ ໄດ້ນໍາສົ່ງການຊ່ວຍເຫລືອໃຫ້ພີ່ນ້ອງຊາວປາແລັສຕິນບາງສ່ວນແລ້ວ ຫລັງທຸກຝ່າຍທີ່ກ່ຽວຂ້ອງປະຊຸມຫາລືກັນຢ່າງຈິງຈັງ ເພື່ອສ້າງຫລັກປະກັນວ່າການຊ່ວຍເຫລືອເຫລົ່ານີ້ຈະສົ່ງມອບເຖິງມືຜູ້ໄດ້ຮັບຜົນກະທົບຢູ່ເຂດກາຊາຢ່າງແທ້ຈິງ.
ແຕ່ການຊ່ວຍເຫລືອທີ່ສົ່ງເຂົ້າໄປໃນເຂດກາຊາຜ່ານເຂດແດນຂອງອີຢິບ ບໍ່ໄດ້ມີການສົ່ງມອບເລື່ອງພະລັງງານ ຫລື ນໍ້າມັນເຊື້ອໄຟ ເຊິ່ງເປັນອົງສໍາຄັນໃນການປໍ້ານໍ້າ, ຂົນສົ່ງນໍ້າ ຫລື ປັ່ນກະແສໄຟຟ້າໃນເຂດພື້ນທີ່ສໍາຄັນຄືໂຮງໝໍ. ຝູງຊົນຢູ່ເຂດກາຊາຈໍານວນຫລາຍຍັງເຝົ້າລໍຮັບການຊ່ວຍເຫລືອຫລັງສະຖານະການສູ້ຮົບກັນຜ່ານມາດົນກວ່າ 2 ອາທິດແລ້ວ.
ເບື້ອງຕົ້ນຫລາຍຝ່າຍຄາດວ່າ: ມີລົດບັນທຸກອີກ 200 ກວ່າຄັນທີ່ບັນທຸກການຊ່ວຍເຫລືອ 3.000 ກວ່າໂຕນ ກຽມຈະຂ້າມຈຸດຜ່ານແດນແຫ່ງນີ້ເຂົ້າໄປເຂດກາຊາໃນມໍ່ໆນີ້.
ອ້າງອີງ:
- https://www.aljazeera.com/news/2023/10/21/rafah-border-crossing-between-gaza-egypt-opens-for-aid-trucks
- https://apnews.com/article/israel-palestinians-gaza-captives-border-aid-f5976ed58ba508f14d45b72b428125ac
- https://www.npr.org/2023/10/21/1207753842/egypt-gaza-border-crossing-opens
