ລັດຖະມົນຕີ ກະຊວງຊັບພະຍາກອນທຳມະຊາດ ແລະ ສິ່ງແວດລ້ອມ ເນັ້ນໃຫ້ປູກຈິດສໍານຶກຄົນ ລຸ້ນໃໝ່ ເອົາໃຈໃສ່ປົກປັກຮັກສາສິ່ງແວດລ້ອມ

ໃນໂອກາດທີ່ ທ່ານ ນາງ ບຸນຄຳ ວໍລະຈິດ ລັດຖະມົນຕີ ກະຊວງ ຊັບພະຍາກອນທຳມະຊາດ ແລະ ສິ່ງແວດລ້ອມ ຢ້ຽມຢາມ ແລະ ໂອ້ລົມ ພະນັກງານ ຂະແໜງ ຊັບພະຍາກອນທຳມະຊາດ ແລະ ສິ່ງແວດລ້ອມ ແຂວງຫົວພັນ ໃນວັນທີ 13 ຕຸລາ 2023 ຜ່ານມາ, ທ່ານ ໄດ້ເນັ້ນໜັກໃຫ້ທຸກພາກສ່ວນພາຍໃນແຂວງ ບໍ່ວ່າຈະເປັນວຽກງານ ກ່ຽວກັບວຽກງານທີ່ດິນ, ສິ່ງແວດລ້ອມ, ເອົາໃຈໃສ່ສືບຕໍ່ ຕິດຕາມກວດກາ ຊັບພະຍາກອນທຳມະຊາດ ແລະ ສິ່ງແວດລ້ອມ ໃຫ້ເປັນປົກກະຕິ, ເອົາໃຈໃສ່ ປຸກຈິດສໍານຶກໃຫ້ກັບຄົນລຸ້ນໃໝ່ ໃນການເອົາໃຈໃສ່ ປົກປັກຮັກສາສິ່ງແວດລ້ອມ ໃຫ້ມີຄວາມສະອາດງາມຕາ ໃຫ້ກາຍເປັນແຂວງທີ່ປອດມົນລະພິດ, ກາຍເປັນແຂວງ ສີຂຽວສະອາດງາມຕາ ໃນອະນາຄົດ.