ກຳປູເຈຍ ສົ່ງອອກລົດຖີບບັນລຸ 424 ລ້ານໂດລາສະຫະລັດ

ສຳນັກຂ່າວ ຊິນຮວາ ລາຍງານ ວັນທີ 12 ຕຸລາ 2023, ກະຊວງການຄ້າຂອງກຳປູເຈຍ ເປີດເຜີຍວ່າ: ມູນຄ່າ ການສົ່ງອອກ ລົດຖີບຂອງກຳປູເຈຍ ໃນ 9 ເດືອນ ຜ່ານມາ ບັນລຸ 424 ລ້ານໂດລາ ສະຫະລັດ ຫລຸດລົງ 42,8% ເມື່ອທຽບໃສ່ ປີຕໍ່ປີ.ລົດຖີບ ທີ່ຜະລິດ ໃນກຳປູເຈຍ ຖືກສົ່ງອອກ ໄປຍັງ ສະຫະພາບ ເອີຣົບ (ອີຢູ), ສ.ອາເມລິກາ,ອັງກິດ, ການາດາ, ຍີ່ປຸ່ນ ແລະ ສປ ຈີນ.ຂະນະທີ່ ການສົ່ງອອກ ຫລຸດລົງນັ້ນ ຍ້ອນການຜັນແປ ຂອງເສດຖະກິດໂລກ ສົ່ງຜົນໃຫ້ ການສັ່ງຊື້ ຫລຸດລົງ. ຂະນະທີ່ ລົດຖີບ ຈັດເປັນໜຶ່ງ ໃນສິນຄ້າ ຈາກພາກການຜະລິດ ເພື່ອການສົ່ງອອກ ທີ່ສຳຄັນ ຂອງກຳປູເຈຍ ຮອງຈາກ ເຄື່ອງນຸ່ງຫົ່ມ, ເກີບ ແລະ ສິນຄ້າ ເພື່ອການທ່ອງທ່ຽວ.