ພາຍໃນອາທິດດຽວ ເກີດແຜ່ນໄຫວເຖິງສອງຄັ້ງ ຢູ່ອັບການິດສະຖານ

ສຳນັກຂ່າວ bbc ລາຍງານ: ເກີດແຜ່ນດິນໄຫວ ລະດັບ 6.0 ຣິກເຕີ ໃນພື້ນທີ່ທາງພາກເໜືອ ຂອງເມືອງ ເຣຣັດ ປະເທດອັບການິດສະຖານ ເວລາປະມານ 5:10 ໂມງ ຂອງວັນພຸດ ວັນທີ 11 ຕຸລາ 2023 (ຕາມເວລາທ້ອງຖິ່ນ) ເຮັດໃຫ້ມີຜູ້ເສຍຊີວິດຢ່າງໜ້ອຍ 1 ຄົນ ແລະ ອີກຫລາຍກວ່າ 100 ຄົນໄດ້ຮັບບາດເຈັບ
ອົງການຢູນິເຊັບລະບຸວ່າ: 90% ຂອງຜູ້ເສຍຊີວິດຈາກແຜ່ນດິນໄຫວຫລາຍຄັ້ງໃນອາທິດນີ້ ເປັນຜູ້ຍິງ ແລະ ເດັກນ້ອຍ, ແລະ ຍັງບໍ່ຊັດເຈນວ່າເຫດການຄັ້ງຫຼ້າສຸດຈະສ້າງຄວາມເສຍຫາຍຫລາຍພຽງໃດ, ເຊິ່ງອາຄານບ້ານເຮືອນຈຳນວນຫລາຍຫລັງໄດ້ຮັບຄວາມເສຍຫາຍ.
ເຫດການ ແຜ່ນດິນໄຫວທີ່ເກີດຂຶ້ນໃນຄັ້ງກ່ອນ ຢູ່ຫ່າງຈາກເມືອງ ເຮຣັດ ພຽງ 40 ກມ, ອາຄານບ້ານເຮືອນຂອງປະຊາຊົນໃນ 20 ບ້ານເສຍຫາຍຫລາຍກວ່າ 2.000 ຫລັງ, ມີຜູ້ເສຍຊີວິດ 2 ພັນກວ່າຄົນ.
ອ້າງອີງຈາກ: https://www.bbc.com/news/world-asia-67073958