ຮອງເຈົ້າເມືອງໆປາກລາຍ ຕິດຕາມຜົນກະທົບຈາກນ້ຳປ່າໄຫລຊຸເຂດກຸ່ມບ້ານພັດທະນາບຸ່ງມ່າ-ຕາກແດດ
October 10, 2023 - 9:50 AM
ວັນທີ 9 ຕຸລາ 2023, ທ່ານ ບຸນພະລັງ ວິໄລສັກ ຮອງເຈົ້າເມືອງໆປາກລາຍ ປະທານຄະນະກຳມະການຕ້ານໄພພິບັດຂັ້ນເມືອງ ພ້ອມຄະນະ ໄດ້ລົງພົບປະອຳນາດການປົກຄອງ, ພໍ່ແມ່ປະຊາຊົນ ເຂດກຸ່ມບ້ານພັດທະນາບຸ່ງມ່າ-ຕາກແດດ ເພື່ອຕິດຕາມເກັບກຳຂໍ້ມູນ ຜົນເສຍຫາຍຈາກນ້ຳໄຫລຊຸ ທີ່ເກີດຈາກຝົນຕົກຕິດຕໍ່ກັນຫລາຍວັນ ເຮັດໃຫ້ເນື້ອທີ່ການຜະລິດເປັນຕົ້ນສວນປູກພືດຕ່າງໆ, ເຂົ້ານາ, ໜອງປາ,ເຮືອນຊານບ້ານຊ່ອງ, ຫົນທາງພື້ນຖານໂຄງລ່າງ ແລະ ເຄື່ອງໃຊ້ສອຍບາງຄອບຄົວທີ່ຕັ້ງຢູ່ແຄມນ້ຳໄດ້ຖືກເສຍຫາຍ.
ປັດຈຸບັນສະຖານະການຂອງນໍ້າແມ່ນພວມກັບເຂົ້າສູ່ປົກກະຕິ. ສ່ວນມູນຄ່າຂອງຄວາມເສຍຫາຍແມ່ນຢູ່ໃນລະຫວ່າງເກັບກຳຂໍ້ມູນຕົວຈິງເພື່ອປະເມີນຜົນເສຍຫາຍ.
