ຄະນະຜູ້ແທນ ກະຊວງ ປກສ ແຫ່ງ ສສ ຫວຽດນາມ ເດີນທາງມາເຖິງ ສປປ ລາວ ເພື່ອຢ້ຽມຢາມສັນທະວະໄມຕີ

ວັນທີ 29 ກັນຍາ 2023 ທີ່ສະໜາມບິນສາກົນວັດໄຕ ນະຄອນຫລວງວຽງຈັນ, ຄະນະຜູ້ແທນ ກະຊວງປ້ອງກັນຄວາມສະຫງົບ ແຫ່ງ ສສ ຫວຽດນາມ ນໍາໂດຍ ສະຫາຍ ພົນເອກ ໂຕ ເລິມ, ລັດຖະມົນຕີ ກະຊວງປ້ອງກັນຄວາມສະຫງົບ ສສ ຫວຽດນາມ ໄດ້ເດີນທາງມາເຖິງ ສປປ ລາວ ເພື່ອມາຢ້ຽມຢາມສັນທະວະໄມຕີ ພ້ອມທັງເຂົ້າຮ່ວມກອງປະຊຸມໃນການຈັດຕັ້ງປະຕິບັດແຜນການຮ່ວມມື ປະຈຳປີ 2023 ແລະ ກໍານົດທິດທາງຮ່ວມມື ປະຈໍາປີ 2024 ລະຫວ່າງ ກະຊວງປ້ອງກັນຄວາມສະຫງົບ ແຫ່ງ ສປປ ລາວ ແລະ ກະຊວງປ້ອງກັນຄວາມສະຫງົບ ແຫ່ງ ສສ ຫວຽດນາມ. ຕ້ອນຮັບໂດຍ ສະຫາຍ ພົນຕີ ວັນທອງ ກອງມະນີ, ຮອງລັດຖະມົນຕີ ຫົວໜ້າກົມໃຫຍ່ການເມືອງ ກະຊວງປ້ອງກັນຄວາມສະຫງົບ ສປປ ລາວ ພ້ອມດ້ວຍຄະນະ.