ປິດການແຂ່ງຂັນບຸນຊ່ວງເຮືອປະເພນີປະຈຳປີ 2017 ບ້ານຈອມແຈ້ງ

ໃນວັນທີ 24 ກັນຍາ 2017 ທີ່ທ່ານໍ້າວັດບ້ານຈອມ ແຈ້ງ ເມືອງສີສັດຕະນາກ ນະ ຄອນຫລວງວຽງຈັນໄດ້ມີພິທີປິດການແຂ່ງຂັນບຸນຊ່ວງເຮືອປະເພນີປະຈໍາ 2017 ປະເພດ 12 ສີພາຍ ໂດຍໃຫ້ກຽດເຂົ້າ ຮ່ວມຂອງ ທ່ານ ໂພຄໍາ ໄຊຍະ ສອນ ເຈົ້າເມືອງສີສັດຕະນາກ ພ້ອມດ້ວຍແຂກທີ່ຖືກເຊີນ ແລະ ນັກກິລາ, ມວນຊົນເຂົ້າ ຮ່ວມຢ່າງມ່ວນຊື່ນ.
ການແຂ່ງຂັນບຸນຊ່ວງ ເຮືອຄັ້ງນີ້ ໄດ້ດໍາເນີນເປັນເວ ລາ 3 ວັນ ( 22-24 ) ຂອງ ເດືອນກັນຍາ 2017 ນີ້ ເຊິ່ງມີ ເຮືອຈໍານວນ 14 ລໍາ ປະເພດ 12 ສີເຂົ້າຮ່ວມແຂ່ງຂັນ ແລະ ສ້າງສາຄວາມເບີກ ບານມ່ວນ ຊື່ນໃຫ້ແກ່ມວນຊົນຊາວນະ ຄອນຫລວງວຽງຈັນກໍຄືນັກ ທ່ອງທ່ຽວຕ່າງປະເທດ ທັງ ເປັນການ ຈັດຕັ້ງປະຕິບັດຮີດ ຄອງປະເພນີອັນດີງາມຂອງ ຊາດລາວທີ່ໄດ້ສືບທອດກັນມາແຕ່ດົນນານ.
ຜ່ານການແຂ່ງຂັນປາກົດວ່າ ອັນດັບທີ 1: ໄດ້ແກ່ເຮືອ ຊ່ວງບ້ານຫາຍໂສກ(ເທບທິ ດາສ້ອຍຟ້າ)ໄດ້ຮັບເງິນລາງວັນ 4.000.000 ກີບ ພ້ອມ ດ້ວຍຂັນລາງວັນ, ອັນດັບທີ 2 ໄດ້ແກ່ເຮືອຊ່ວງຫວຍເລກ 3 ໄດ້ຮັບເງິນສົດ 2.000.000 ກີບພ້ອມດ້ວຍຂັນລາງວັນ, ອັນດັບທີ 3 ໄດ້ແກ່ບ້ານຈອມ ແຈ້ງ 2 ໄດ້ຮັບເງິນສົດ 1.50 0.000 ກີບພ້ອມຂັນລາງວັນ ແລະ ອັນດັບທີ 4 ໄດ້ແກ່ ບ້ານສີຖານໃຕ້ (ເພັດມີໄຊ) ໄດ້ຮັບເງິນສົດ 1.000.000 ກີບ