ສຕລ ຈັດການແຂ່ງຂັນບານເຕະເຍົາວະຊົນ ຮຸ່ນອາຍຸ 14 ປີ

ສະຫະພັນບານເຕະແຫ່ງຊາດ (ສຕລ) ໄດ້ຈັດການ ແຂ່ງຂັນເຕະບານເຍົາວະຊົນ ຮຸ່ນອາຍຸ 14 ປີ(LFF U-14 BOYS’ FOOTBALL CHAMPIONSHIP 2017) ເພື່ອຄັດເລືອກຕົວ ແທນສະໂມສອນ ຈາກ ລາວ ເຂົ້າຮ່ວມລາຍການແຂ່ງຂັນ CP-Meiji Cup U-14 In ternational Champions 2017 ທີ ແຂວງ ບູລີລໍາ ປະ ເທດໄທ ໃນກາງເດືອນ ພະຈິກ ທີ່ຈະມາເຖິງນີ້ .
ທ່ານ ສົມສັກ ແກ້ວດາລາ ຮອງພະແນກເຕັກນິກ ແລະ ພັດທະນາກິລາເຕະບານຂອງ ສຕລ ທັງເປັນກໍາມະການຈັດ ການແຂ່ງຂັນເຕະບານເຍົາວະຊົນຮຸ່ນອາຍຸ 14 ປີໃຫ້ສໍາພາດ ວ່າ: ເພື່ອຕອບສະໜອງຕາມ ຈົດໝາຍແຈ້ງເຊີນຂອງສະໂມສອນບູລີລໍາ ຢູໄນເຕັດ ໃຫ້ເຂົ້າ ຮ່ວມການແຂ່ງຂັນ CP-Mei ji Cup U-14 International Champions 2017 ຈະຈັດ ຂຶ້ນລະຫວ່າງວັນທີ 8-11 ພະ ຈິກ 2017 ທີ່ແຂວງບູລີລໍາ ປະເທດໄທ ເຊິ່ງຈະມີ 8 ທີມ ເຂົ້າຮ່ວມ ດັ່ງນັ້ນ, ທາງສະ ຫະພັນຂອງພວກເຮົາຈຶ່ງຈັດ ການແຂ່ງຂັນເຕະບານເຍົາວະຊົນຮຸ່ນອາຍຸບໍ່ເກີນ 14 ປີ ຂຶ້ນ ມາ ເພື່ອຄັດເລືອກເປັນຕົວ ແທນໃຫ້ກັບສະໂມສອນລາວ ເຂົ້າຮ່ວມການແຂ່ງຂັນດັ່ງ ກ່າວ. ສໍາລັບການແຂ່ງຂັນຄັດ ເລືອກຄັ້ງນີ້ມີ 5 ສະໂມສອນ ເຂົ້າຮ່ວມຄື: ສະໂມສອນ ເອັສ ສະຣາ ເອັຟຊີ, ມາສເຕີເຊວັນ ເອັຟຊີ, ຊ້າງນ້ອຍ ເອັຟຊີ, ລ້ານ ຊ້າງ ຢູໄນເຕັດ ແລະ ສະໂມ ສອນ ປກສ ເອັຟຊີ ໃນເບື້ອງ ຕົ້ນທາງສະຫະພັນຂອງພວກ ເຮົາໄດ້ແຈ້ງໃຫ້ແຕ່ລະສະໂມ ສອນໃນລາວເຂົ້າຮ່ວມການ ຄັດເລືອກແຕ່ຍ້ອນວ່າມີຫລາຍສະໂມສອນທີ່ຍັງບໍ່ສາມາດ ຕອບສະໜອງຕາມການແຈ້ງ ເຊີນ. ການແຂ່ງຂັນຄັດເລືອກ ຄັ້ງນີ້ເລີມແຕ່ວັນທີ 23 ກັນຍາ ຫາ 8 ຕຸລາ 2017 ຢູ່ສະໜາມ ກິລາຫຍ້າທຽມ ສຕລ ສ່ວນ ຮູບແບບການແຂ່ງຂັນແຕ່ລະທີມຈະລົງສະໜາມໃຫ້ຄົບ 3 ຄັ້ງແລ້ວສະສົມຄະແນນເພື່ອ ໃຫ້ໄດ້ອັນດັບທີ 1 ເພື່ອເປັນຕົວ ແທນໃຫ້ກັບສະໂມສອນລາວ ເຂົ້າຮ່ວມແຂ່ງຂັນ.
ສໍາລັບການແຂ່ງຂັນມື້ທໍາອິດສະໂມສອນ ເອັສຣາ ເອັຟຊີ ສາມາດເອົາຊະນະສະໂມ ສອນ ມາສເຕີເຊເວັນ ເອັຟຊີ 13-0 ປະຕູ. ສ່ວນຕາຕະລາງ ການແຂ່ງຂັນວັນທີ 30 ກັນຍາ ສະໂມສອນລ້ານຊ້າງ ຢູໄນ ເຕັດ ພົບກັບ ມາສເຕີເຊວັນ ເອັຟຊີເວລາ 9:00 ໂມງ; ເວ ລາ 10:00 ໂມງ ສະໂມສອນ ເອັສຣາ ພົບກັບສະໂມສອນ ປກສ ເອັຟຊີ.