ບຸນອອກພັນສາ ແລະ ຊ່ວງເຮືອປະເພນີ
ມື້ນີ້ຄໍລຳທ່ອງທ່ຽວ ແລະ ວັດທະນະທຳພວກເຮົາຂໍນຳເວົ້າ ບຸນອອກພັນສາ ແລະ ຊ່ວງເຮືອ ປະເພນີປະຈຳປີທີ່ເປັນເອກະລັກ ຂອງລາວເຮົາໄດ້ສືບສານກັນມາ ແຕ່ດຶກດຳບັນຕາມຮີດ 12 ຄອງ ຄອງ 14 ປະເພນີລາວເຮົາທີ່ໄດ້ ຈັດໃນທຸກໆປີ. ໃນມື້ຂຶ້ນ 15 ຄ່ຳ ເດືອນ 11 ລາວ, ເຊິ່ງພໍດີກັບວັນ 5 ຕຸລາ 2017 ນີ້ຈະມີພິທີໄຫລ ເຮືອໄຟ ແລະ ຟັງເທດສະໜາ, ເພື່ອເປັນການ ສົມມາຄາລະວະ ພ້ອມທັງບວງສວງຂໍໂຊກຂໍໄຊ.
+ ບຸນຊ່ວງເຮືອ ເມືອງມໍລະດົກໂລກຫຼວງພະບາງ ປີນີ້ຍັງຄົງຮັກສາໄດ້ຮີດຄອງປະເພນີອັນດີງາມຂອງທ້ອງຖິ່ນ
ຄຳວ່າ ອອກພັນສານັ້ນໄດ້ ແກ່ການອະນຸຍາດ ໃຫ້ພະພິກຂຸ ສົ່ງອອກຈາກເຂດຈຳກັດຫລັງ ຈາກການເຂົ້າຈຳພັນສາຄົບ 3 ເດືອນ ເພື່ອອອກໄປປະຕິບັດໜ້າ ທີ່ຢູ່ບ່ອນອື່ນເອີ້ນວ່າ ການອອກ ຈາກລະດູຝົນ, ເມື່ອເຖິງມື້ເພັງ 15 ຄ່ຳເດືອນ 11 ລາວຕອນເຊົ້າ ມວນຊົນຊາວພຸດຈະມາເຕົ້າໂຮມ ກັນຖວາຍຂອງທານທີ່ໄດ້ກະ ກຽມໄວ້ພ້ອມທັງຖວາຍຜ້າຈີ ວອນ ຫລື ຜ້າຈຳພັນສາໃຫ້ແກ່ ພະພິກຂຸສົງ.
ຕາມປະເພນີລາວແຕ່ເກົ່າ ເວລາໃກ້ຈະຮອດວັນບຸນອອກ ພັນສາຊາວບ້ານຈະໄດ້ກະກຽມ ເຮັດບັ້ງໄຟດອກ, ໂດຍນຳໃຊ້ຂີ້ ໝື້, ຂີ້ເຈຍມາຕຳປະສົມກັນໃຫ້ເປັນ ເຊື້ອເພີງ ແລະ ສ້າງເຮືອໄຟ ໂຄກ, ວຽນທຽນໄຕ້ທຽນບູຊາຄຸນພະ ພຸດພະທຳ ແລະ ພະສົງ ໄຫລເຮືອ ໄຟໃນຄືນວັນເພັງເພື່ອອະທິຖານ ຂໍໃຫ້ຊີວິດມີຄວາມສຸກປັດຈຸຈາ ໂລກໄພໄຂ້ເຈັບ, ປະສົບຜົນສຳ ເລັດ ໃນໜ້າທີ່ການງານ ແລະ ອື່ນໆ ແລ້ວກໍປ່ອຍເຮືອໄຟ ອອກ ສູ່ແລວນ້ຳ, ເພິ່ນເອີ້ນວ່າ: “ໄຫລ ເຮືອໄຟ” ເຊິ່ງມີຄວາມເຊື່ອວ່າ ໃຫ້ ອັນບໍ່ດີບໍ່ງາມຈົ່ງໄຫລໄຟ ແລະ ຂໍໃຫ້ເຫລືອໄວ້ມີແຕ່ສິ່ງດີໆ ມີ ໂຊກມີໄຊ ແລະ ໃນຕໍ່ມາກໍຈະມີ ການແຂ່ງຂັນເຮືອຊ່ວງເພື່ອສ້າງ ບັນຍາກາດເບີກບານມ່ວນຊື່ນ ໃຫ້ແກ່ງານບຸນດັ່ງກ່າວໄດ້ສຳ ເລັດເສັດຊິ້ນລົງດ້ວຍຄວາມ ລາບລື້ນ.
