ພາຍຸທໍນາໂດ ພັດເຂົ້າພາກຕາເວັນອອກຂອງຈີນ ເສຍຊີວິດຢ່າງໜ້ອຍ 10 ຄົນ ທາງການປະກາດຍົກລະດັບຄຳເຕືອນ

ວັນທີ 20 ກັນຍາ 2023, ກົມອຸຕຸນິຍົມວິທະຍາຂອງຈີນ ໄດ້ປະກາດຍົກລະດັບຄຳເຕືອນ ເນື່ອງມາຈາກຝົນຕົກໜັກ ແລະ ລົມພັດແຮງຫລາຍພາກທົ່ວປະເທດ ຫລັງພາຍຸທໍນາໂດ ພັດເຂົ້າມົນທົນຈຽງຊູ ທາງຕາເວັນອອກຂອງຈີນ ສົ່ງຜົນໃຫ້ມີຜູ້ເສຍຊີວິດຢ່າງໜ້ອຍ 10 ຄົນ.

ສຳນັກຂ່າວ CCTV ຂອງທາງການຈີນ ລາຍງານວ່າ: ພາຍຸທໍນາໂດ ໄດ້ພັດເຂົ້າເມືອງຊູຊຽນ ປະຊາຊົນເສຍຊີວິດ 5 ຄົນ ບາດເຈັບສາຫັດ 4 ຄົນ, ເຮືອນປະຊາຊົນເສຍຫາຍ 1,646 ຫລັງຄາເຮືອນ, ນອກນັ້ນຍັງພັດເຂົ້າເມືອງ ຫຍຽນເຊິງ ມີຜູ້ເສຍຊີວິດ 5 ຄົນ ແລະ ບາດເຈັບ 4 ຄົນ. ເບື້ອງຕົ້ນ ພາຍຸດັ່ງກ່າວໄດ້ສົ່ງຜົນກະທົບຕໍ່ປະຊາຊົນຫລາຍກວ່າ 5.500 ຄົນ ແລະ ປະຊາຊົນຫລາຍຮ້ອຍຄົນອອກອົບພະຍົບອອກຈາກພື້ນທີ່ເກີດເຫດຊົ່ວຄາວ.

ນອກນັ້ນ ທາງການຈີນຈຶ່ງໄດ້ຍົກລະດັບການເຝົ້າລະວັງລົມພັດແຮງໃນພື້ນທີ່ໃກ້ທະເລຈຽງຊູ, ມົນທົນ ຊົງຊິ່ງ, ມົນທົນກຸ້ຍໂຈ, ມົນທົນຫູໜານ, ແລະ ມົນທົນຫູເປີ່ຍ.

ອ້າງອີງຈາກ: thairath.co.th/news/foreign/2726664

https://www.dailynews.co.th/news/2736562/