ເຕືອນການສັນຈອນ!! ເສັ້ນທາງຫລັກ 21-27 ເມືອງໄຊທານີ ເປ່ເພໜັກ ແລະ ເປັນບວກ ເປັນຂຸມເລິກ

ວັນທີ 19 ກັນຍາ 2023, ປະຊາຊົນສ່ອງແສງວ່າ: ເສັ້ນທາງ 13 ໃຕ້ ນັບຕັ້ງແຕ່ສາມແຍກໄຟອຳນາດຫລັກ 21 ໄປຈົນເຖິງຫລັກ 27 ເມືອງໄຊທານີ ນະຄອນຫລວງວຽງຈັນ ເປ່ເພໜັກ, ເປັນບວກ ເປັນຂຸມ ເຊິ່ງບາງບ່ອນເປັນຂຸມເລິກຈົນຈຳພື້ນທ້ອງລົດຂະໜາດຕໍ່າ, ບາງບ່ອນມີນໍ້າຂັງ ປຽກຈຶື້ນເປັນຕົມ ເຮັດໃຫ້ການສັນຈອນໄປມາຫຍຸ້ງຍາກຫລາຍ ແລະ ສ່ຽງຕໍ່ການເກີດອຸບັດຕິເຫດ.

ສຳລັບທ່ານໃດທີ່ຈະເດີນທາງໄປເສັ້ນທາງເລກທີ 13 ໃຕ້ ເມື່ອຮອດຈຸດນີ້ຄວນເພີ່ມຄວາມມີສະຕິໃຫ້ລະມັດລະວັງຕື່ມ ໂດຍສະເພາະຍາມກາງຄືນ ເນື່ອງຈາກວ່າເສັ້ນທາງຍ່ານນີ້ບໍ່ມີໄຟເຍືອງທາງ ແລະ ປະຕິບັດກົດລະບຽບຈະລາຈອນຢ່າງເຄັ່ງຄັດ ເພື່ອຄວາມປອດໄພຂອງທຸກຄົນ ແລະ ຝາກເຖິງໜ່ວຍງານທີ່ກ່ຽວຂ້ອງເຂົ້າກວດກາ ແລະ ແກ້ໄຂສ້ອມແປງຕາມຄວາມເໝາະສົມດ້ວຍ.