ລາວກະກຽມສ້າງຕັ້ງສະມາຄົມນັກກົດໝາຍອາຊຽນ

ວັນທີ 12 ກັນຍາ 2023, ສານປະຊາຊົນສູງສຸດໄດ້ ແຫ່ງ ສປປ ລາວ ໄດ້ຈັດກອງປະຊຸມປຶກສາຫາລື ກັບ ສານສູງສຸດ ແຫ່ງ ປະເທດສິງກະໂປ ເພື່ອກະກຽມສ້າງຕັ້ງສະມາຄົມນັກກົດໝາຍອາຊຽນ ຂອງ ສປປ ລາວ ລະຫວ່າງ ທ່ານ ນາງ ວຽງທອງ ສີພັນດອນ ປະທານສານປະຊາຊົນສູງສຸດ ສປປ ລາວ ແລະ ທ່ານ ຊັນດາເລສ ເມນອນ ( Sundaresh Menon ) ປະທານສານສູງສຸດ ສິງກະ ໂປ ທັງເປັນ ປະທານສະມາຄົມນັກກົດໝາຍອາຊຽນ ຫຼື ALA; ພ້ອມດ້ວຍພາກສ່ວນກ່ຽວຂ້ອງເຂົ້າຮ່ວມ.

ທ່ານ ວຽງທອງ ສີພັນດອອນ ມີຄຳເຫັນວ່າ: ປະທານສະມາຄົມນັກກົດໝາຍອາຊຽນ (ASEAN Law Association ພ້ອມດ້ວຍຄະນະທີ່ໄດ້ເດີນທາງມາຢ້ຽມຢາມ ສປປ ລາວ ໃນຄັ້ງນີ້ ເພື່ອຊຸກຍູ້ ໃນການກະກຽມສ້າງຕັ້ງສະມາຄົມນັກກົດ ໝາຍອາຊຽນຂອງ ສປປ ລາວ, ເຊິ່ງລາວຈະເປັນປະເທດສຸດທ້າຍຂອງອາຊຽນທີ່ຈະໄດ້ເຂົ້າເປັນສະມາຊິກສະມາຄົມນັກກົດໝາຍຂອງອາຊຽນ.

ການມາເຄື່ອນໄຫວຢ້ຽມຢາມ ແລະ ເຮັດວຽກໃນຄັ້ງນີ້ ຂອງທ່ານປະທານສານສູງສຸດ ສິງກະໂປ ແລະ ປະທານສະມາຄົມນັກກົດໝາຍອາຊຽນ ຈຶ່ງມີຄວາມໝາຍສຳຄັນເປັນຢ່າງຍິ່ງ ຍ້ອນວ່າ ໃນປີ 2024 ສປປ ລາວ ກໍໄດ້ຮັບກຽດເປັນປະທານອາຊຽນ; ຈຸດປະສົງຂອງສະມາຄົມນັກກົດໝາຍອາຊຽນ ແມ່ນ ເພື່ອສົ່ງເສີມສາຍພົວພັນອັນແໜ້ນແຟ້ນ, ການຮ່ວມມື ແລະ ຄວາມເຂົ້າໃຈເຊິ່ງກັນແລະກັນ ລະຫວ່າງ ນັກກົດໝາຍໃນບັນດາປະເທດອາຊຽນ, ການຮ່ວມມືພາກພື້ນ ໂດຍສະເພາະແມ່ນດ້ານການສຶກສາ ແລະ ຄົ້ນຄົ້ວາວິໄຈໃນບັນດາກົດໝາຍຂອງປະຊ າຄົມອາຊຽນ ເພື່ອໃຫ້ສອດຄ່ອງກັບຄວາມຮຽກຮ້ອງຕ້ອງການໃນການພັດທະນາເສດຖະກິດ-ສັງຄົມຂົງເຂດອາຊຽນ ທັງເປັນການສົ່ງເສີມ ແລະ ອໍານວຍຄວາມສະດວກໃຫ້ແກ່ການປະສານງານໃນການເຄື່ອນໄຫວວຽກງານ ແລະ ດຳເນີນງານໂຄງການຮ່ວມມືກັນ ລະຫວ່າງ ອົງການຈັດຕັ້ງ, ນັກກົດໝາຍ, ຄະນະນິຕິສາດ-ລັດຖະສາດ, ສູນຄົ້ນຄ້ວາດ້ານກົດ ໝາຍ ລວມທັງສະຖາບັນກົດໝາຍຕ່າງໆໃນບັນດາປະເທດອາຊຽນ ໃນການສົ່ງເສີມ ການແລກປ່ຽນ ແລະ ເຜີຍແຜ່ຂໍ້ມູນ-ຂ່າວສານທາງດ້ານກົດ ໝາຍ, ລະບົບກົດໝາຍ ແລະ ການພັດທະນາທາງດ້ານກົດໝາຍປະເທດອາຊຽນ ແລະ ພາກພື້ນ ຕາມຈຸດ ປະສົງຂອງປະຊາຄົມອາຊຽນທີ່ໄດ້ກໍານົດໄວ້.

ຈຸດປະສົງຂອງສະມາຄົມນັກກົດໝາຍອາຊຽນ ແມ່ນເພື່ອສົ່ງເສີມສາຍພົວພັນອັນແໜ້ນແຟ້ນ, ລະຫວ່າງນັກກົດໝາຍ, ໂດຍສະເພາະແມ່ນດ້ານການສຶກສາ ແລະ ຄົ້ນຄວ້າວິໄຈ ເພື່ອໃຫ້ສອດຄ່ອງກັບຄວາມຮຽກຮ້ອງຕ້ອງການໃນການພັດທະນາເສດຖະກິດ-ສັງຄົມຂົງເຂດອາຊຽນ ເປັນການສົ່ງເສີມ ແລະ ອໍານວຍຄວາມສະດວກໃຫ້ແກ່ການປະສານງານໃນການເຄື່ອນໄຫວວຽກງານ ແລະ ດຳເນີນງານໂຄງການຮ່ວມມື ຕາມຈຸດປະສົງຂອງປະຊາຄົມອາຊຽນທີ່ໄດ້ກໍານົດໄວ້.

ພ້ອມນັ້ນ ກໍເພື່ອອໍານວຍຄວາມສະດວກໃຫ້ແກ່ອົງການຈັດຕັ້ງໃນການຮ່ວມມືອາຊຽນເພື່ອຫລີກລ້ຽງຂໍ້ຂັດແຍ້ງ, ການຕັດສິນໂດຍຄະນະກໍາມະການຕັດສິນ ຫລື ການແກ້ໄຂຂໍ້ຂັດແຍ່ງທາງດ້ານກົດໝາຍໃນສັນຍາລະຫວ່າງຊາດພາຍໃນຂົງເຂດອາຊຽນ ແລະ ຮ່ວມມືກັບສາກົນ, ພາກພື້ນ ແລະ ອົງການຈັດຕັ້ງອື່ນໆ.