ອຸດົມໄຊ ແຈ້ງການເຖິງຜູ້ຄອບຄອງພາຫະນະບໍ່ຖືກຕ້ອງ ໃຫ້ຮີບນຳໄປແຈ້ງພາສີ ບໍ່ກາຍ 30 ກັນຍາ

ວັນທີ 09 ສິງຫາ 2023 ຜ່ານມານີ້ ຫ້ອງວ່າການແຂວງ ອຸດົມໄຊ ສະບັບເລກທີ 823/ຫວຂ ລົງ ການຈັດຕັ້ງປະຕິບັດການແກ້ໄຂລົດນໍາເຂົ້າບໍ່ຖືກຕ້ອງຢູ່ ແຂວງ ອຸດົມໄຊ. ເພື່ອໃຫ້ການນໍາໃຊ້ພາຫະນະ ຖືກຕ້ອງຕາມກົດໝາຍ ຈຶ່ງແຈ້ງການມາຍັງຜູ້ຄອບຄອງພາຫະນະ ທີ່ບໍ່ຖືກຕ້ອງ ແລະ ພາຫະນະບໍ່ມີເອກະສານຄົບຖ້ວນ ໃຫ້ນໍາລົດມາແຈ້ງເສຍພາສີ ຢູ່ທີ່ຫ້ອງການ ພາສີປະຈໍາແຂວງ ອຸດົມໄຊ, ບ້ານ ຫ້ວຍຂຸມ, ເມືອງ ໄຊ, ແຂວງ ອຸດົມໄຊ ນັບແຕ່ມື້ອອກແຈ້ງການສະບັບນີ້ ຫາ ວັນທີ 30 ກັນຍາ 2023.

ຖ້າຫາກກາຍກໍານົດດັ່ງກ່າວ ກໍລະນີເຈົ້າຫນ້າທີ່ ກວດກາພົບເຫັນ ແມ່ນຈະໄດ້ຢຶດ, ອາຍັດພາຫະນະໄວ້ ພ້ອມທັງດໍາເນີນມາດຕະການຕໍ່ເຈົ້າຂອງພາຫະນະ ຕາມກົດໝາຍ ແລະ ລະບຽບການ ຢ່າງເຂັ້ມງວດ.