ສ່ວຍສາອາກອນ ເມືອງໄຊເສດຖາແຈ້ງຄັ້ງທີ 3 ເຖິງ 302 ຫົວໜ່ວຍວິສາຫະກິດທີ່ຍັງຄ້າງມອບອາກອນ ກຳນົດບໍ່ໃຫ້ກາຍວັນທີ 22 ກັນຍາ 2023   

ວັນທີ 7 ກັນຍາ 2023 ຜ່ານມານີ້ ສ່ວຍສາອາກອນປະຈໍາເມືອງ ໄຊເສດຖາ ອອກແຈ້ງການ ເຖິງຫົວໜ່ວຍວິສາຫະກິດ ຈຳນວນ 302 ຫົວໜ່ວຍ ໃຫ້ເຂົ້າງົບປະມານແຫ່ງລັດ ໂດຍລະລຸວ່າ: ຜູ້ອໍານວຍການ ບໍລິສັດ ຫລື ເຈົ້າຂອງວິສາຫະກິດ ທີ່ຖື ບັນຊີ ຫລື ໄດ້ເຂົ້າລະບົບອາກອນມູນຄ່າເພີ່ມ (ອມພ) ແລ້ວ ຊຶ່ງໄດ້ເຄື່ອນໄຫວ ຫລື ບໍ່ໄດ້ເຄື່ອນໄຫວທຸລະກິດ ພາຍໃນເມືອງໄຊ ເສດຖາ ນັບແຕ່ປີ 2018-2022 ມີຈໍານວນທັງໝົດ 302 ຫົວໜ່ວຍ ແມ່ນບໍ່ໄດ້ສະຫລຸບ-ລາຍງານການເງິນປະຈໍາປີ ແລະ ບໍ່ມາແຈ້ງມອບອາກອນ ເຂົ້າງົບປະມານແຫ່ງລັດເທື່ອ.

ສະນັ້ນ, ຈຶ່ງແຈ້ງມາຍັງທ່ານ ເພື່ອຊາບ ແລະ ຈົ່ງຮີບຮ້ອນມາພົວພັນ, ແຈ້ງມອບອາກອນດ່ວນ ຢູ່ສ່ວຍສາອາກອນ ປະຈໍາເມືອງໄຊເສດຖາ ກ່ອນວັນທີ 22 ກັນຍາ 2023, ຖ້າກາຍກໍານົດເວລານີ້ ຈະຖືກປະຕິບັດມາດຕະການຢ່າງເຂັ້ມງວດ ຕາມ ລະບຽບກົດຫມາຍ (ລະອຽດມີລາຍຊື່ວິສາຫະກິດຕິດຄັດມາພ້ອມນີ້ດ້ວຍ).