ບາງເລື່ອງໜ້າຮູ້ກ່ຽວກັບການຊັກແຫ້ງ

     ການຊັກແຫ້ງ ແມ່ນການຊັກເຄື່ອງທີ່ມີສິ່ງເປິເປື້ອນໃຫ້ສະອາດ ໂດຍບໍ່ໃຊ້ນ້ຳ ແລະ ສະບູຝຸ່ນ, ການຊັກແຫ້ງນັ້ນຈະໃຊ້ນ້ຳຢາພິເສດເປັນໂຕລະລາຍຄາບໄຂມັນ ຫລື ສິ່ງເປິເປື້ອນທີ່ຕິດຢູ່ໃນເຄື່ອງນຸ່ງໃຫ້ຫລຸດອອກໂດຍບໍ່ມີຜົນຕໍ່ເສັ້ນໄຍ ແລະ ສີສັນຂອງເຄື່ອງນຸ່ງຂອງທ່ານແຕ່ຢ່າງໃດ. ການຊັກແຫ້ງທີ່ແທ້ຈິງຈະບໍ່ໃຊ້ນ້ຳຢາຊັກແຫ້ງມາປະສົມກັບນ້ຳດັ່ງທີ່ເຂົ້າໃຈກັນ, ແຕ່ໃຊ້ນ້ຳມັນຊັກແຫ້ງ PERCHLOROETHYENE) ຈະບໍ່ເຮັດໃຫ້ເນື້ອຜ້າໂພງ ຫລື ຂະຫຍາຍຂຶ້ນ ແລະ ທັງຍັງສາມາດ ຊຳລະລ້າງຄາບນ້ຳມັນທີ່ຕິດເທິງຜ້າອອກໄດ້ ເຊິ່ງການຊັກໂດຍນ້ຳນັ້ນບໍ່ສາມາດເຮັດໃຫ້ຄາບນ້ຳມັນເຫລົ່ານັ້ນຫລຸດອອກ ເພາະນ້ຳມັນບໍ່ລະລາຍໃນນ້ຳ.

ຄຸນປະໂຫຍດການຊັກແຫ້ງ :

– ສາມາດກຳຈັດຮອຍເປື້ອນຕ່າງໆ ເຊັ່ນ : ໄຂມັນ, ນ້ຳໝຶກ, ຄາບນ້ຳມັນ ແລະອ່ືນໆໄດ້ ໂດຍບໍ່ເຮັດອັນຕະລາຍຕໍ່ຜ້າ.

– ການຊັກແຫ້ງຈະບໍ່ເຮັດໃຫ້ເຄື່ອງນຸ່ງເສຍຮູບຮ່າງຄືກັບການຊັກນ້ຳທົ່ວໆໄປ.

– ການຊັກແຫ້ງຈະບໍ່ທຳລາຍສີຂອງເນື້ອຜ້າໃຫ້ເບິ່ງໝົ່ນໝອງລົງໄປຈາກເກົ່າ.

– ການຊັກແຫ້ງສາມາດຊັກໄດ້ກັບເຄື່ອງນຸ່ງທີ່ໃຊ້ວັດສະດຸພິເສດ ເຊັ່ນ : ຜ້າໄໝ, ຂົນສັດ, ຜ້າແພ, ໄຍສັງເຄາະ ແລະ ໂດຍສະ ເພາະເຄື່ອງທີ່ການຊັກນ້ຳບໍ່ອາດເຮັດຄວາມສະອາດໄດ້.

– ການຊັກແຫ້ງຈະບໍ່ມີກິ່ນຂອງນ້ຳຢາພາຍຫລັງການຊັກ.