ລາຄາເຂົ້າໃນຕະຫລາດໂລກຍັງບໍ່ມີສັນຍານທີ່ຈະຫລຸດລົງ
ສຳນັກຂ່າວຕ່າງປະເທດລາຍງານ ວັນທີ 5 ກັນຍາ 2023 ວ່າ: ລາຄາເຂົ້າ ຂອງບັນດາປະເທດສົ່ງອອກທີ່ສໍາຄັນ ລວມທັງ ໄທ ແລະ ຫວຽດນາມ ໄດ້ເພີ່ມຂຶ້ນປະມານ 20% ນັບຕັ້ງແຕ່ ອິນເດຍໄດ້ຈໍາກັດການສົ່ງອອກເຂົ້າບາງປະເພດ, ເຮັດໃຫ້ການສະໜອງທົ່ວໂລກເຄັ່ງຕຶງ.
ເຊິ່ງລາຄາເຂົ້າທີ່ເພີ່ມຂຶ້ນໄດ້ຊຸກຍູ້ໃຫ້ ຊາວກະສິກອນອິນເດຍ ເປີດກວ້າງເຂດປູກຝັງ, ຂໍ້ມູນຈາກກະຊວງກະສິກຳອິນເດຍສະແດງໃຫ້ເຫັນວ່າ: ເນື້ອທີ່ປູກເຂົ້າຂອງອິນເດຍ ເພີ່ມຂຶ້ນ 3,7% ເມື່ອທຽບໃສ່ໄລຍະດຽວກັນຂອງປີກາຍ, ເປັນ 39,8 ລ້ານເຮັກຕາ. ປະເທດຜູ້ຜະລິດ ແລະ ບໍລິໂພກເຂົ້າລາຍໃຫຍ່ອັນດັບ 2 ຂອງໂລກ ປູກເຂົ້າຫລາຍຂຶ້ນກວ່າເກົ່ານັ້ນ ອາດສາມາດຫລຸດຜ່ອນຄວາມກັງວົນກ່ຽວກັບການສະໜອງເຂົ້າພາຍໃນປະເທດ.
ໃນເດືອນກໍລະກົດ, ອິນເດຍ ໄດ້ວາງມາດຕະການຫ້າມການສົ່ງອອກເຂົ້າຂາວທີ່ບໍ່ແມ່ນ ເຂົ້າບາສມາຕິ (basmati), ໂດຍບໍ່ຄາດຄິດວ່າການສົ່ງອອກເຂົ້າຂອງປະເທດຈະຫລຸດລົງເກືອບເຄິ່ງໜຶ່ງ.
ໃນຂະນະດຽວກັນ, ກະຊວງການຄ້າໄທ ໃຫ້ຮູ້ວ່າ: ການສົ່ງອອກເຂົ້າຂອງ ໄທ ໄລ່ຮອດວັນທີ 29 ສິງຫາ ເພີ່ມຂຶ້ນ 11,9% ເມື່ອທຽບໃສ່ໄລຍະດຽວກັນຂອງປີກາຍ, ຂຶ້ນເປັນ 5,29 ລ້ານໂຕນ.
