ສາຂາທະນາຄານແຫ່ງ ສປປ ລາວ ພາກເໜືອ ແຂວງອຸດົມໄຊອອກຈຳໜ່າຍຫລຽນ 7 ປະເພດ ມູນຄ່າແຕ່ 2 ລ້ານກວ່າກີບ ຫາ 94 ລ້ານກວ່າກີບ

ວັນທີ 4 ກັນຍາ 2023 ຜ່ານມານີ້ ສາຂາທະນາຄານແຫ່ງ ສປປ ລາວ ພາກເໜືອ ແຂວງອຸດົມໄຊ ອອກແຈ້ງການ  ເພື່ອຈໍາໜ່າຍຫລຽນທີ່ລະນຶກປະເພດຕ່າງໆ ແບບເປີດກວ້າງ ດັ່ງມີລາຍລະອຽດລຸ່ມນີ້:

1. ສາຂາທະນາຄານແຫ່ງ ສປປ ລາວ ພາກເໜືອແຂວງອຸດົມໄຊ ທີ່ຮັບຜິດຊອບ 04 ແຂວງພາກເໜືອ (ແຂວງ ອຸດົມໄຊ, ແຂວງບໍ່ແກ້ວ, ແຂວງຫລວງນ້ໍາທາ ແລະແຂວງຜົ້ງສາລີ) ຈະໄດ້ຈໍາໜ່າຍຫລຽນທີ່ລະນຶກປະເພດ ຕ່າງໆທີ່ທະນາຄານແຫ່ງ ສປປ ລາວ ຜະລິດອອກມາ ຊຶ່ງປະກອບມີຫລຽນເງິນ 7 ປະເພດ ແລະ ຫລຽນຄໍາ 4 ປະເພດ ອອກຈໍາໜ່າຍນັບແຕ່ວັນທີ 25 ສິງຫາ 2023 ເປັນຕົ້ນມາ;
2. ສໍາລັບລາຄາຫລຽນປະເພດຕ່າງ ແມ່ນຈະກໍານົດອອກ ໃນເວລາ 10:30 ນາທີ ຂອງທຸກໆວັນ, ກໍລະນີຊື້ກ່ອນການກໍານົດລາຄາອອກໃນມື້ ແມ່ນໃຫ້ນໍາໃຊ້ລາຄາຂອງມື້ວານເປັນໂຕກໍານົດ;
3. ບັນດາອົງການຈັດຕັ້ງທຸກພາກສ່ວນ, ບຸກຄົນ, ນິຕິບຸກຄົນ ສາມາດເຂົ້າມາຊື້ຫລຽນປະເພດຕ່າງໆ ຫຼື ສອບ ຖາມຂໍ້ມູນໄດ້ທີ່ ພະແນກສາງ-ຄັງເງິນສົດ ສາຂາທະນາຄານແຫ່ງ ສປປ ລາວ ພາກເໜືອ ແຂວງອຸດົມໄຊ, ປະສານງານ ທ່ານ ນາງ ເພັດມະນີ ສີປະເສີດ ເບີໂທ 020 28733368 ຫຼື 081 211653 ຫຼື ເຂົ້າໄປເບິ່ງຂໍ້ ມູນຫລຽນທີ່ລະນຶກໄດ້ທີ່ Facebook: ສາຂາທະນາຄານ ແຫ່ງ ສປປ ລາວ ພາກເໜືອ ແຂວງອຸດົມໄຊ- BOL Oudomxay ຫຼື ສອບຖາມຂໍ້ມູນນໍາບັນດາທະນາຄານທຸລະກິດທີ່ໃກ້ກັບບ່ອນທ່ານຢູ່.

(ລາຍລະອຽດມີປະເພດຫລຽນທີ່ລະນຶກ ແລະ ລາຄາຄັດຕິດມາພ້ອມນີ້)

ດັ່ງນັ້ນ, ຈຶ່ງແຈ້ງມາຍັງບັນດາທ່ານ ເພື່ອຊາບ ຢ່າງທົ່ວເຖິງ.