ສະໜັບສະໜູນ ໂຄງການຊື້ຂາຍກາກບອນ ສົ່ງເສີມການນຳໃຊ້ພະລັງງານ ເຕົາສະອາດ

ວັນທີ 5 ກັນຍາ 2023,  ກົມສົ່ງເສີມ ແລະ ປະຫຍັດພະລັງງານ, ກະຊວງພະລັງງານ ແລະ ບໍ່ແຮ່ ຈັດຝຶກອົບຮົມກ່ຽວກັບ ຂະບວນການ ຊື້-ຂາຍ ກາກບອນສຳລັບຂະແໜງພະລັງງານ ເພື່ອເຮັດໃຫ້ພະນັກງານວິຊາການມີຄວາມຮັບຮູ້ ແລະ ເຂົ້າໃຈຢ່າງຈະແຈ້ງກ່ຽວກັບການ ຊື້-ຂາຍ ສິນເຊື່ອກາກບອນ, ສ້າງຄວາມເຂັ້ມແຂງໃຫ້ ພະນັກງານ ແລະ ວິຊາການໃນຂະແໜງການ ໂດຍສະເພາະທີມງານສົ່ງເສີມການນໍາ ໃຊ້ເຕົາສະອາດ ໃນ ສປປ ລາວ. ທະນາຄານໂລກ ໃຫ້ການສະໜັບສະໜູນ

ໂຄງການດັ່ງກ່າວ ເປັນໂຄງການ ຊື້-ຂາຍ ການຫລຸດຜ່ອນທາດອາຍພິດເຮືອນແກ້ວ ມີເປົ້າໝາຍປະຕິບັດ ຫລື ແຈກຢາຍ 50.000 ໜ່ວຍ ໃນລາວ, ເຕົາສະອາດ ເປັນເຕົາທີ່ປ່ອຍຄວັນໜ້ອຍ ແລະ ໄດ້ມາດຕະຖານໃນລະດັບ 4 (Teir 4). ການສ້າງຄວາມເຂັ້ມແຂງໃຫ້ແກ່ບັນດາພະນັກງານ ແລະ ວິຊາການໃນຂະແໜງການທີ່ກ່ຽວຂ້ອງທາງດ້ານຂະບວນການຊື້-ຂາຍ ສິນເຊື່ອກາກບ່ອນ ແມ່ນສ່ວນໜຶ່ງໃນກິດຈະກຳໂຄງການ,  ກົມສົ່ງເສີມ ແລະ ປະຢັດພະລັງງານ ກະຊວງພະລັງງານ ແລະ ບໍ່ແຮ່ ໄດ້ຈັດຕັ້ງປະຕິບັດໂຄງການສົ່ງເສີມການນຳໃຊ້ເຕົາສະອາດ ຮ່ວມກັບ ທະນາຄານໂລກ.