ການແຂ່ງຂັນບານເຕະໂຕໂຢຕ້າແມ່ຂອງຄັບແຊ໊ມປຽຊິບ ຄັ້ງທີ 4 ຈະມີຂຶ້ນທ້າຍປີນີ້
ບໍລິສັດ ໂຕໂຢຕ້າ ມໍເຕີ້ ເອ ເຊຍ ປາຊີຟິກ ແລະ ບໍລິສັດ ໂຕ ໂຢຕ້າ ມໍເຕີ້ ປະເທດໄທ ຈຳກັດ ຈະຈັດການແຂ່ງຂັນບານເຕະໂຕໂຢຕ້າແມ່ຂອງຄັບແຊ໊ມ ປຽນຊິບ (TMCC) ຄັ້ງທີ 4 ຂຶ້ນໃນທ້າຍປີນີ້.
ການແຂ່ງຂັນດັ່ງກ່າວ ໄດ້ເລີ່ມຈັດຂຶ້ນແຕ່ປີ 2014 ເປັນຕົ້ນມາ ໂດຍມີຈຸດປະສົງ ເພື່ອຮ່ວມສ້າງສີສັນຄວາມມີຊີວິດຊີວາໃຫ້ແກ່ຊຸມຊົນທ້ອງຖິ່ນຂອງປະເທດໃນເຂດແມ່ນ້ຳ ຂອງດ້ວຍກິລາບານເຕະ ໂດຍ ການແຂ່ງຂັນດັ່ງກ່າວຈັດຂຶ້ນ ຄັ້ງທໍາອິດໃນປະເທດຫວຽດ ນາມ ແລະ ມີທີມເຂົ້າແຂ່ງຂັນ ຈາກ 4 ປະເທດໄດ້ ແກ່: ລາວ, ກຳປູເຈຍ, ມຽນມາ ແລະ ຫວຽດນາມ, ໃນປີ 2015 ມີ ທີມຈາກປະເທດໄທໄດ້ເຂົ້າ ຮ່ວມແຂ່ງຂັນ ແລະ ມີການຈັດ ການແຂ່ງຂັນໃນທຸກປະເທດທີ່ເຂົ້າຮ່ວມ ເຊິ່ງປີຜ່ານມາທີມ ບູ ລີລຳ ຢູໄນເຕັດ ຈາກປະເທດ ໄທໄດ້ຊະນະການແຂ່ງຂັນ, ພາຍຫລັງແຂ່ງຂັນຮອບຊີງຊະນະເລີດລວມ 2 ນັດທີ່ນະຄອນ ຫລວງວຽງຈັນ ສປປ ລາວ ແລະ ບາງກອກ ປະເທດໄທ.
ປັດຈຸບັນ, ໂຕໂຢຕ້າຮ່ວມ ກັບສະໂມສອນບານເຕະລາວ, ກຳປູເຈຍ, ໄທ ແລະ ຫວຽດ ນາມ ມີແຜນຈັດການແຂ່ງຂັນ ຂຶ້ນລະຫວ່າງເດືອນທັນວາ 2017 ຫາເດືອນມັງກອນ 2018, ສະໂມສອນບານເຕະ ທີ່ເຂົ້າຮ່ວມລາຍການໄດ້ແກ່ ຕົວແທນຈາກລາວພຣີເມຍ ລີກ, ເມັດໂຟນກຳປູເຈຍພຣີ ເມຍລີກ, ໂຕໂຢຕ້າລີກຄັບ ແລະ ໂຕໂຢຕ້າວີລີກ.
ການແຂ່ງຂັນຮອບຊະ ນະເລີດຄາດວ່າຈະຈັດຂຶ້ນຢູ່ ສປປ ລາວ ວັນທີ 17 ທັນວານີ້ ທີ່ລາວໂຕໂຢຕ້າເອຟຊີແຊ໊ມ ຈາກລາວພຣີເມຍລີກຈະພົບ ກັບທີມຜູ້ຊະນະເລີດຮອບທຳ ອິດ. ສຳລັບລາຍລະອຽດເພີ່ມ ຕື່ມຈະປະກາດໃນການຖະແຫລງຂ່າວລະດັບພູມມິພາກໃນ ເດືອນພະຈິກທີ່ຈະເຖິງນີ້ຢູ່ບາງກອກ.
