ນັກວິທະຍາສາດເຕືອນ! ຖ້າໂລກຮ້ອນເກີນໄປ ປ່າຝົນເຂດຮ້ອນຈະຕາຍ ເພາະສັງເຄາະແສງບໍ່ໄດ້ ແລະ ຈະເຮັດໃຫ້ລະບົບນິເວດຫລົ້ມ

ຂໍ້ມູນຈາກເຄື່ອງກວດຈັບ ECOSTRESS ຂອງ NASA ທີ່ຕິດຕັ້ງໃນສະຖານີອາວະກາດນານາຊາດ ທີ່ເກັບກໍາຂໍ້ມູນແຕ່ປີ 2018-2020 ສາມາດບັນທຶກປ່າໄມ້ເຂດຮ້ອນ 5 ແຫ່ງ ແລະ ລະບຸໄດ້ວ່າຕົ້ນໄມ້ເຫລົ່ານັ້ນສາມາດສັງເຄາະແສງໄດ້ໃນອຸນຫະພູມ 46.7 °C

ຮອງສາສະດາຈານມະຫາວິທະຍາໄລແອເທິນແອຣິໂຊນາ ອະທິບາຍວ່າຖ້າອາກາດເພີ່ມຂຶ້ນ 2-3 °C ຈະເຮັດໃຫ້ອຸນຫະພູມໃບໄມ້ຈະຮ້ອນຂຶ້ນ 8°C ແລະ ເມື່ອຮອດຈຸດນັ້ນໃບໄມ້ຈະບໍ່ມີການສັງເຄາະແສງ

ດັ່ງນັ້ນ ຖ້າໂລກເຮົາມີແນວໂນ້ມຮ້ອນຂຶ້ນເລື້ອຍໆ ຕົ້ນໄມ້ຈະຕາຍເພາະຄວາມຮ້ອນ,​ ຄວາມແຫ້ງແລ້ງ ແລະ ການຂາດສານອາຫານ ຈາກລະບົບນິເວດທີ່ລົ້ມເຫລວ

ນອກຈາກນັ້ນນັກວິໄຈໄດ້ແນະນໍາວ່າເຮົາຄວນຫັນມາໃສ່ໃຈໃນເລື່ອງການຫລຸດອາຍເຮືອນແກ້ວ ເພື່ອຫລີກລ່ຽງສະຖານະການໂຫດຮ້າຍ, ຖ້າເຮັດໄດ້ ໃບໄມ້ໃນປ່າເຂດຮ້ອນກໍຈະບໍ່ຕາຍຈາກຄວາມຮ້ອນທີ່ສູງເກີນໄປ

.

ຂໍ້ມູນຈາກ

https://go.nature.com/45PU6qr