ອິດທິພົນຂອງພາຍຸໄຕ້ຝຸ່ນ Saola ກໍາລັງເຄື່ອນທີ່ຢູ່ ຟີິລິບປິນ ຈະເຮັດໃຫ້ ສປປ ລາວ ມີຝົນຕົກໜັກ ແຕ່ພາກກາງ-ພາກໃຕ້ ກວມເອົາ 60-70%

ຄວາມກົດດັນອາກາດຕໍ່າທີ່ໄດ້ພາດຜ່ານພາກເໜືອຂອງປະເທດລາວ ແລະ ສົມທົບກັບກະແສລົມມໍລະສຸມຕາເວັນຕົກສ່ຽງໃຕ້ພັດປົກຄຸມ ປ່ອງໃສ່ພາຍຸໄຕ້ຝຸ່ນ ຊາວລາ (saola) ທີ່ກໍາລັງເຄື່ອນທີ່ຢູ່ໃກ້ພາກເໜືອດ້ານຕາເວັນອອກຂອງປະເທດຟີລິບປິນເຊິ່ງຈະເຮັດໃຫ້ມີຝົນຕົກຟ້າຮ້ອງຟ້າເຫລື້ອມໃນລະດັບຄ່ອຍໃນແຕ່ລະພາກ ແລະ ປານກາງຫາໜັກຢູ່ບາງທ້ອງຖິ່ນ ແຂວງພາກກາງລົງຫາ ພາກໃຕ້.

ພາກເໜືອດ້ານຕາເວັນອອກ (ຜົ້ງສາລີ, ວຽງໄຊ, ຊໍາເໜືອ ແລະ ຊຽງຂວາງ) ມີເຝື້ອປົກຄຸມເປັນສ່ວນຫລາຍ ແລະ ມີຝົນຕົກໃນລະດັບ ຄ່ອຍ ຫາ ປານກາງ ຢູ່ບາງທ້ອງຖິ່ນ ຫລື ເນື້ອທີ່ປົກຫຸ້ມຂອງຝົນເທົ່າ 50% ຂອງພາກ ອຸນຫະພູມໃນລະຫວ່າງ 19 – 30 ອົງສາ.

ພາກເໜືອດ້ານຕາເວັນຕົກ (ແຂວງ ຫລວງນ້ໍາທາ, ບໍ່ແກ້ວ, ອຸດົມໄຊ, ຫລວງພະບາງ ແລະ ໄຊຍະບູລີ: ມີເຝື້ອປົກຄຸມເປັນສ່ວນຫລາຍ ແລະ ມີຝົນຕົກຟ້າຮ້ອງຟ້າເຫລື້ອມໃນລະດັບຄ່ອຍຢູ່ເກືອບທົ່ວໄປ ແລະ ຕົກຝານກາງຢູ່ບາງທ້ອງຖິ່ນ, ແຂວງຫລວງນ້ໍາທາ ແລະ ອຸດົມໄຊ ຫລື ເນື້ອທີ່ ປົກຫຸ້ມຂອງຝົນເທົ່າ 70 %ຂອງພາກ ອຸນຫະພູມໃນລະຫວ່າງ 22 – 32 ອົງສາ.

ນະຄອນຫລວງວຽງຈັນ: ມີເຝື້ອປົກຄຸມເປັນສ່ວນຫລາຍ ແລະ ຍັງຈະມີຝົນຕົກໃນລະດັບຄ່ອຍ ຫາ ປານກາງ ຫລື ເນື້ອທີ່ປົກຫຸ້ມຂອງພົນເທົ່າ 70 % ອຸນຫະພູມໃນລະຫວ່າງ 24 – 31 ອົງສາ.

ພາກກາງ (ແຂວງ ວຽງຈັນ, ບໍລິຄໍາໄຊ, ຄໍາມ່ວນ ແລະ ສະຫວັນນະເຂດ); ມີເຝື້ອປົກຄຸມເປັນສ່ວນຫລາຍ ແລະ ມີຝົນຕົກຟ້າຮ້ອງຟ້າເຫລື້ອມໃນລະດັບຄ່ອຍຢູ່ເກືອບທົ່ວໄປ ແລະ ປານກາງ ຫາ ໜັກ ຢູ່ບາງທ້ອງຖິ່ນ ຫລື ເນື້ອທີ່ປົກຫຸ້ມຂອງຝົນເທົ່າກັບ 70 %ຂອງ ພາກ. ອຸນຫະພູມໃນລະຫວ່າງ 21 – 33 ອົງສາ.

ແຂວງໄຊສົມບູນ; ມີຝົນຕົກໃນລະດັບຄ່ອຍ ຫລື ເນື້ອທີ່ປົກຫຸ້ມຂອງຝົນເທົ່າກັບ 60 ເປີເຊັ່ນ ອຸນຫະພູມໃນລະຫວ່າງ 20 – 25 ອົງສາ.

ພາກໃຕ້ (ແຂວງ ສາລະວັນ, ຈໍາປາສັກ, ເຊກອງ ແລະ ອັດຕະປື): ມີເຝື້ອປົກຄຸມເປັນສ່ວນຫລາຍ, ອາກາດຮ້ອນ ແລະ ມີຝົນຕົກໃນລະດັບ ຄ່ອຍຢູ່ເກືອບທົ່ວໄປ ແລະ ຕົກປານກາງ ຫາ ໜັກ ຢູ່ບາງທ້ອງຖິ່ນ ຫລື ເນື້ອທີ່ປົກຫຸ້ມຂອງຝົນເທົ່າກັບ 70 % ຂອງພາກ ອຸນຫະພູມໃນລະຫວ່າງ 23 – 33 ອົງສາ.

ສໍາລັບ ເຂດພູພຽງບໍລະເວນ: ມີຝົນຕົກໃນລະດັບຄ່ອຍ ຫາ ປານກາງ ຫລື ເນື້ອທີ່ປົກຫຸ້ມຂອງຝົນເທົ່າກັບ 6໐ ເປີເຊັ່ນ. ອຸນຫະພູມໃນ ລະຫວ່າງ 16 – 25 ອົງສາ.

#ຂ່າວພາຍໃນລາວພັດທະນາ #ພະຍາກອນອາກາດ