ປກສ ເມືອງທຸລະຄົມ ສຶກສາອົບຮົມໄວໜຸ່ມ ທີ່ດັດແປງສະພາບເຕັກນິກລົດ ແລະ ຂີ່ລົດເປັນພຶງເປັນແພ ກີດຂວາງການສັນຈອນ

ວັນທີ 24 ສິງຫາ 2023, ເຈົ້າໜ້າທີ່ຕຳຫລວດຈະລາຈອນ ປກສ ເມືອງທຸລະຄົມ ແຂວງວຽງຈັນ ສຶກສາອົບຮົມນັກຂັບຂີ່ທີ່ດັດແປງສະພາບເຕັກນິກລົດ.

ຜ່ານການລົງກວດກາຂອງເຈົ້າໜ້າທີ່ ພົບເຫັນນັກຂັບຂີ່ດັດແປງສະພາບເຕັກນິກຂອງລົດຈັກຈຳນວນ 15 ຄັນ ແລະ ເກັນມາຮັກສາໄວ້ຢູ່ກອງຮ້ອຍຕຳຫຼວດຈະລາຈອນ ປກສ ເມືອງທຸລະຄົມ ເພື່ອໃຫ້ເຈົ້າຂອງລົດເປັນຜູ້ທຳລາຍອາໄຫລ່ທີ່ມີການດັດແປງສະພາບ, ບໍ່ຖືກຕ້ອງຕາມມາດຕະຖານຂອງໂຮງງານຜະລິດອອກ ແລ້ວປ່ຽນຖ່າຍໃໝ່ກັບສູ່ສະພາບເດີມ.

ຕໍ່ກັບສະພາບການສັນຈອນຕາມທ້ອງຖະໜົນຫລວງ ກໍແມ່ນບັນຫາໜຶ່ງ ເຊິ່ງນັກຂັບຂີ່ແຕ່ລະຄົນຕ້ອງໄດ້ເປັນເຈົ້າການປະຕິບັດກົດລະບຽບຈະລາຈອນທີ່ໄດ້ກຳນົດໄວ້, ສະພາບເຕັກນິກຂອງລົດຕ້ອງຢູ່ໃນສະພາບເດີມທີ່ໂຮງງານຜະລິດອອກມາເທົ່ານັ້ນ ແຕ່ຍ້ອນຄວາມຮູ້ເທົ່າບໍ່ເຖິງການ ພັດມີນັກຂັບຂີ່ຈຳນວນໜຶ່ງມີການຝ່າຝືນບໍ່ເຄົາລົບກົດລະບຽບຈະລາຈອນ ເປັນຕົ້ນແມ່ນການຂັບຂີ່ລົດຈັກເປັນພຶງເປັນແພ ກີດຂວາງການສັນຈອນ, ດັດແປງທໍ່ໄອເສຍເຮັດໃຫ້ມີສຽງລົບກວນຄົນອື່ນໃນເວລາກາງຄືນ, ໃສ່ຕີນນ້ອຍບໍ່ຖືກຕາມຂະໜາດມາດຕະຖານຂອງໂຮງານຜະລິດ ແລະ ອື່ນໆ.

#ຂ່າວພາຍໃນລາວພັດທະນາ #ສຶກສາອົບຮົມໄວໜຸ່ມ #ທີ່ດັດແປງສະພາບເຕັກນິກລົດ