ແຄລິຟໍເນຍກຽມຮັບມືພາຍຸເຂດຮ້ອນຫົວທຳອິດໃນຮອບ 80 ກວ່າປີ

ລັດແຄລິຟໍເນຍຂອງອາເມລິກາອອກຄຳເຕືອນເຝົ້າລະວັງພາຍຸຮຸນແຮງລະດັບ 4 ທີ່ຄາດວ່າຈະເຄື່ອນທີ່ທົ່ວພາກຕາເວັນຕົກສຽງໃຕ້ຂອງປະເທດ ໃນວັນທີ 20 ສິງຫາ ແລະ ຕົ້ນອາທິດໜ້າ ເຊິ່ງຖືເປັນຄັ້ງທຳອິດທີ່ມີການອອກຄຳເຕືອນການເຝົ້າລະວັງພາຍຸເຂດຮ້ອນໃນແຄລິຟໍເນຍ.

ສູນເຮີຣິເຄນແຫ່ງຊາດ (NHC) ຂອງອາເມລິກາ ລາຍງານວ່າ: ພາຍຸຮິລາຣີທະວີກຳລັງແຮງຂຶ້ນຢ່າງວ່ອງໄວໃນວັນທີ 17-18 ສິງຫາ ໂດຍທະວີກຳລັງແຮງຂຶ້ນຈາກພາຍຸເຂດຮ້ອນເປັນເຮີຣິເຄນລະດັບ 4 ໃນເວລາພຽງ 24 ຊົ່ວໂມງ ແລະ ຄາດວ່າຈະຍັງຮຸນແຮງລະດັບນີ້ເມື່ອເຄື່ອນທີ່ເຂົ້າໃກ້ຄາບສະໝຸດບາຮາກາລິຟໍເນຍໃນວັນທີ 19 ສິງຫາ.

ລາຍງານລະບຸວ່າ: ຮິລາຣີເຄື່ອນທີ່ຢູ່ປະມານ 325 ໄມທາງຕອນໃຕ້ຂອງຄາໂບຊານລູຄັສ ປະເທດແມັກຊິກ ໃນຕອນບ່າຍວັນທີ 18 ສິງຫາ ດ້ວຍຄວາມໄວລົມຕໍ່ເນື່ອງ 130 ໄມຕໍ່ຊົ່ວໂມງ ແລະ ລົມພັດແຮງຂຶ້ນ.

ຄາດວ່າຮິລາຣີຈະເຮັດໃຫ້ເກີດຝົນຕົກ ແລະ ນ້ຳຖ້ວມໜັກໃນພາກຕາເວັນຕົກສຽງໃຕ້ຂອງອາເມລິກາ ແລະ ບາງສ່ວນຂອງລັດແຄລິຟໍເນຍ ໂດຍຮິລາຣີອາດສົ່ງຜົນເຮັດໃຫ້ຝົນຕົກຮຸນແຮງທີ່ສຸດໃນຮອບກວ່າໜຶ່ງປີໃນພື້ນທີ່ຂອງສາມລັດ ໄດ້ແກ່ ແຄລິຟໍເນຍ, ເນວາດາ ແລະ ແອຣິໂຊນາ ເຊິ່ງສຳລັບແຄລິຟໍເນຍຖືວ່າໜ້ອຍທີ່ຈະຜະເຊີນຄວາມສ່ຽງສູງຈາກການຮັບປະລິມານນ້ຳຝົນຫລາຍເກີນໄປ ແລະ ຖືເປັນຄັ້ງທຳອິດທີ່ມີການອອກຄຳເຕືອນຄວາມຮຸນແຮງລະດັບ 4 ເຊິ່ງເປັນລະດັບສູງສຸດຈາກ 4 ລະດັບໃນພື້ນທີ່ແຄລິຟໍເນຍຕອນໃຕ້.

ອ້າງອີງ:

• https://edition.cnn.com/2023/08/18/weather/hurricane-hilary-rain-flooding-forecast-friday/index.html