ແຈ້ງການ!! ຫາເຈົ້າຂອງລົດຈັກ 2 ຄັນ ໃຫ້ມາພົວພັນເອົາຢູ່ ປກສ ແຂວງ ວຽງຈັນ
August 15, 2023 - 10:42 AM
ວັນທີ 14 ສິງຫາ 2023, ກອງບັນຊາການ ປກສ ແຂວງ ວຽງຈັນ ໄດ້ອອກແຈ້ງການເລກທີ 5482/ປກວ.ວຈ ເຖິງສັງຄົມໃນຂອບເຂດທົ່ວປະເທ ຊາບວ່າ: ເຈົ້າໜ້າທີ່ວິຊາສະເພາະກອງ ບັນຊາການ ປກສ ແຂວງວຽງຈັນ ໄດ້ກັກລົດຈັກ ຈໍານວນ 2 ຄັນຄື: 1. ລົດຈັກຍີ້ຫໍ້ ຮອນດາ ເວບ 100 ສີ ຂຽວ-ດໍາ, ເລກຈັກNF 100 – 8371 624 ເລກຖັງNF100E- 8371 624 (ບໍ່ຕິດປ້າຍທະບຽນ); 2. ລົດຈັກຍີ່ຫໍ້ ຮອນດ່າ ລຸ້ນ ຊູໂມເອັກ ສີດໍາ , ເລກຈັກ JF382E – 0143941,ເລກຖັງMLHJF 3822 F5143 941, ຕິດປ້າຍ ຈທ 5179 ສະຫວັນນະເຂດ.
ຜ່ານການກວດກາ,ເກັບກໍາຂໍ້ມູນຫລັກຖານຕົວຈິງຂອງເຈົ້າໜ້າທີ່ວິຊາສະເພາະ ປກສ ແຂວງວຽງຈັນ ເຫັນວ່າ: ລົດຈັກຈໍານວນ 2 ຄັນ ແມ່ນບໍ່ມີເອກະສານທະບຽນລົດທີ່ຢັ້ງຢືນເຖີ່ງຄວາມຖືກຕ້ອງຕິດລົດມານາ ແລະ ກໍຍັງບໍ່ ສາມາດຮູ້ໄດ້ເຈົ້າຂອງລົດຈັກຈໍານວນດັ່ງກ່າວ, ຖ້າບຸກຄົນໃດຫາກສົງໃສ ຫລື ມີເອກະສານຢັ້ງຢືນວ່າເປັນລົດຂອງຕົນເອງ ໃຫ້ນໍາເອົາເອກະສານກ່ຽວຂ້ອງມາພົວພັນຢູ່ ປກສ ແຂວງ ວຽງຈັນ (ຫ້ອງຕໍາຫລວດ) ພັທ ສັງ ມີທອງ 020 23328899, ໃນເວລາໂມງລັດຖະການ, ກໍານົດ 60 ວັນ, ນັບແຕ່ມື້ອອກແຈ້ງການເປັນຕົ້ນໄປ, ຖ້າຫາກກາຍ ກໍານົດເວລາຖືວ່າສະຫລະສິດ ລົດຈັກຈໍານວນດັ່ງກ່າວຈະຖືກຢຶດເປັນຂອງລັດຕາມລະບຽບການ.
ດັ່ງນັ້ນ, ຈຶ່ງແຈ້ງມາຍັງພະນັກງານ,ທະຫານ,ຕໍາຫລວດ, ພໍ່ຄ້າຊາວຂາຍຕະຫລອດຮອດພໍ່-ແມ່ປະຊາຊົນບັນດາເຜົ່າເພື່ອຊາບ.
